ৰে'ল বিভাগৰ ঠিকাদাৰে প্ৰবঞ্চনাৰে স্থানীয় লোকৰ পৰা লুটিলে লক্ষাধিক টকা

আমগুৰিত ছাত্ৰ সন্থাৰ বিষয়ববীয়াৰ বিৰুদ্ধে সৰৱ স্থানীয় লোক ৷

আমগুৰি, ২২ ফেব্ৰুৱাৰীঃ আমগুৰিত ভাৰতীয় ৰে'ল বিভাগৰ ঠিকাদাৰৰ আজৱকাণ্ড ৷ স্থানীয় লোকৰ পৰা ধন ঋণলৈ লৈ পৰিশোধ নকৰাৰ অভিযোগ স্থানীয় লোকৰ ৷

উল্লেখ্য যে, আলিপুৰ দুৱাৰৰ ঠিকাদাৰ সুখেন্দু নাথ নামৰ ভাৰতীয় ৰে'ল বিভাগৰ ঠিকাদাৰ জনে আমগুৰিৰ পবিত্ৰ গগৈ, প্ৰণৱ গগৈ, লক্ষীনাথ গগৈ নামৰ লোক কেইজনৰ পৰা প্ৰায় 1 লাখ টকা কালভাৰ্ট নিৰ্মাণ কৰিবলৈ ঋণলৈ লৈছিল ৷ কিন্তু দীৰ্ঘ দিনৰ পৰা অভিযুক্ত ঠিকাদাৰজনে ঋণলৈ লোৱা ধন খিনি পৰিশোধ নকৰাৰ উপৰিও কোনো যোগাযোগ নকৰা বুলি গুৰুতৰ অভিযোগ তোলে ৷ আনহাতে আমগুৰিৰেই নিবাসী ৰে'ল বিভাগত কৰ্মৰত এজনলোক গ্যেৰান্টাৰ আছিল যদিও অভিযুক্ত ঠিকাদাৰজনে এতিয়ালৈ ধনখিনি ঘুৰাই নিদিয়া বুলি মন্তব্য কৰে ৷ তাৰোপৰি আমগুৰিৰ ছাত্ৰ সন্থাৰ একাংশ বিষয়ববীয়াই ঠিকাদাৰৰ পক্ষ লৈ ভুক্তভোগী লোককেইজনকহে ৰাজহুৱাকৈ ভীতি প্ৰদৰ্শন কৰা বুলি আনএক গুৰুতৰ অভিযোগ তুলিছে ।