পথ নিৰ্মাণৰ দাবীত ৰাজপথত বঙালী মাজগাওঁবাসী

আমগুৰি বৰছিলাত বিধ্বস্ত পথ শীঘ্ৰে নিৰ্মাণৰ দাবীত উত্তাল প্ৰতিবাদ(Protests for construction of destroyed roads in aamguri) ৷ পঞ্চায়ত নিৰ্বাচনৰ পূৰ্বে বিধ্বস্ত পথ নিৰ্মাণ নকৰিলে ভোট বৰ্জনৰ হুংকাৰ ৷

আমগুৰি, ১০ চেপ্টেম্বৰ: বিধ্বস্ত পথত বিধ্বস্ত পথে জ্বলা-কলা খোৱাইছে বঙালী মাজগাওঁবাসীক ৷ শিৱসাগৰ জিলাৰ আমগুৰি বৰছিলাত বিধ্বস্ত পথ শীঘ্ৰে নিৰ্মাণৰ দাবীত উত্তাল প্ৰতিবাদ সাব্যস্ত কৰে বৰুৱা আলি গাওঁ পঞ্চায়তৰ অন্তৰ্গত ৩ নং ৱাৰ্ডৰ নামতি বঙালী মাজগাওঁবাসীয়ে (Protests for construction of destroyed roads in amguri) ৷ বিধ্বস্ত পথ শীঘ্ৰে নিৰ্মাণৰ দাবীত সাব্যস্ত কৰে উত্তাল প্ৰতিবাদ ৷ পঞ্চায়ত নিৰ্বাচনৰ পূৰ্বে বিধ্বস্ত পথ নিৰ্মাণ নকৰিলে ভোট বৰ্জনৰ হুংকাৰ দিছে।

নিৰ্বাচনৰ পূৰ্বে স্থানীয় বিধায়ক প্ৰদীপ হাজৰৰিকাই মাজগাঁওবাসীক লগত লৈ ঝুমুৰ নাচি ভোজ-ভাত খাই পথটোৰ উন্নয়ণৰ প্ৰতিশ্ৰুতি দিছিল যদিও বিধায়ক নিৰ্বাচিত হোৱাৰ পাছতে নিৰ্বাচনৰ পূৰ্বে প্ৰদান কৰা প্ৰতিশ্ৰুতি পূৰণত ব্যৰ্থ হৈছে স্থানীয় বিধায়ক প্ৰদীপ হাজৰিকা ৷ এই অভিযোগ সমষ্টিবাসী ৰাইজৰ ৷

পথ নিৰ্মাণৰ দাবীত ৰাজপথত বঙালী মাজগাওঁবাসী

জৰুৰীকালীন অৱস্থাত ৰোগীক ঠেলাত তুলি চিকিৎসালয়লৈ নিব লগা পৰিস্থিতিৰ উদ্ভৱ হৈছে যদিও কাণষাৰ নাই স্থানীয় বিধায়ক তথা সংশ্নিষ্ট কৰ্তৃপক্ষৰ । এজাক বৰষুণতে পথটো বোকাময় হৈ পৰাত যাতায়াত ব্যাহত হয় । যাতায়তৰ সমস্যাত ভোগা গাঁৱৰ ৰাইজ অতিষ্ঠ হৈ ৰাজপথলৈ ওলাই আহি পথটি শীঘ্ৰে মেৰামতি কৰি দিবলৈ দাবী জনায় ৷

উল্লেখ্য যে, গাঁওখনৰ ৰাইজে যাতায়তৰ ক্ষেত্ৰত বছৰ বছৰ ধৰি ভুগি আহিছে যমৰ-যাতনা । শীঘ্ৰে পথটো নিৰ্মাণৰ ব্যৱস্থা নকৰিলে আগন্তুক পঞ্চায়ত নিৰ্বাচনৰ সময়ত ভোট বৰ্জন কৰাৰ হুংকাৰ প্ৰদান কৰিছে ভুক্তভোগী ৰাইজে ।

লগতে পঢ়ক:ভিক্টৰ দাসক গ্ৰেপ্তাৰক লৈ অখিল গগৈৰ প্ৰতিক্ৰিয়া