শিৱসাগৰ, 19 চেপ্তেম্বৰ:সদৌ অসম চুতীয়া ছাত্ৰ সন্থাৰ শিৱসাগৰ জিলা সমিতিয়ে শনিবাৰে শিৱসাগৰৰ উপায়ুক্তৰ কাৰ্যালয়ৰ সন্মুখত 2 ঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে ৷ চুতীয়া জনগোষ্ঠীক জনজাতিকৰণৰ দাবীৰে ধৰ্মঘট কাৰ্যসূচী পালন কৰিলে সংগঠনটোৱে ৷ প্ৰতিবাদকাৰী সকলৰ অভিযোগ, চৰকাৰে নিৰ্বাচনৰ পূৰ্বে 6 জনগোষ্ঠীক জনজাতিকৰণৰ প্ৰতিশ্ৰুতি প্ৰদান কৰিছিল যদিও, সেইয়া মূলতঃ কাৰ্যকৰী হৈ নুঠিল ৷ আজি অসমৰ 6 জনজাতিক ভাগ কৰি চৰকাৰে ৰাজনীতি কৰিছে ৷ শেহতীয়াকৈ সম্পন্ন হোৱা বিধানসভাৰ অধিৱেশনত মৰাণ, মটক আৰু কোচ ৰাজবংশী সকলক স্বায়ত্ব পৰিষদ প্ৰদান কৰিলে যদিও, 6 জনগোষ্ঠীৰ অন্যতম আহোম,চুতীয়া আৰু চাহ জনজাতীয় লোক সকলক চৰকাৰে বঞ্চিত কৰি ৰাখিলে ৷
জনজাতিকৰণৰ দাবীৰে শিৱসাগৰত চুতীয়া ছাত্ৰ সন্থাৰ প্ৰতিবাদ