শিৱসাগৰ,16 জানুৱাৰী : আগন্তুক অসম বিধান সভাৰ নিৰ্বাচনক লৈ তৎপৰ হৈ পৰিছে ভাৰতীয় জনতা পাৰ্টি। ৰাজ্যিক নেতৃবৰ্গৰ তৎপৰতাৰ পিচতে এইবাৰ অসমলৈ উজান উঠিছে কেন্দ্ৰীয় বিজেপি শীৰ্ষ নেতাৰ ।
২৩ জানুৱাৰীত জেৰেঙা পথাৰলৈ আহিব দেশৰ প্ৰধানমন্ত্ৰী
ৰাষ্ট্ৰীয় সভাপতি জে পি নাড্ডা, অমিত শ্বাহ আদিৰ পিচত এইবাৰ অসমলৈ আহিব ভাৰতৰ প্ৰধানমন্ত্ৰী নৰেন্দ্ৰ মোডী । অহা 23 জানুৱাৰী তাৰিখে শিৱসাগৰৰ ঐতিহাসিক জেৰেঙা পথাৰত আয়োজন কৰা এখন সভাত অংশগ্ৰহণ কৰিব ভাৰতৰ প্ৰধানমন্ত্ৰীগৰাকীয়ে । উক্ত সভাত অসম চৰকাৰৰ অধীনত প্ৰধানমন্ত্ৰী গৰাকীয়ে এক লাখ লোকক মাটি পট্টা প্ৰদান কৰিব বুলি জানিবলৈ দিছে বিজেপি ৰাজ্যিক সাধাৰণ সম্পাদক তথা যোৰহাট লোকসভা সমষ্টিৰ সাংসদ তপন কুমাৰ গগৈয়ে ।