পৰেশ বৰুৱাক ধন্যবাদ জনালে প্ৰণৱ গগৈ পৰিয়ালে

গুৱাহাটী প্ৰেছ ক্লাৱৰ যোগেদি সাংবাদিকক সম্বোধন কৰি কুইপ কোম্পানীৰ দুই অপহৃত বিষয়াক চৰম শাস্তি স্থগিত ৰাখিছে বুলি পৰেশ বৰুৱাই কৰা ঘোষণাৰ পিচতে অলপ হ'লেও শান্তি অনুভৱ কৰিছে প্ৰণৱ গগৈ পৰিয়ালে ৷

শিৱসাগৰ, 21 ফেব্ৰুৱাৰী :পৰেশ বৰুৱাই গুৱাহাটী প্ৰেছ ক্লাৱৰ যোগেদি সাংবাদিকক সম্বোধন কৰি কুইপ কোম্পানীৰ দুই অপহৃত বিষয়াক চৰম শাস্তি স্থগিত ৰাখিছে বুলি কৰা ঘোষণাৰ পিচতে অলপ হ'লেও শান্তি অনুভৱ কৰিছে প্ৰণৱ গগৈ পৰিয়ালে ৷ শিৱসাগৰস্থিত ঘৰত সাংবাদিক উপস্থিত হোৱাৰ পিচতে সাংবাদিকক সম্বোধন কৰি পৰেশ বৰুৱা ধন্যবাদ জ্ঞাপন কৰে প্ৰণৱ গগৈ পৰিয়ালে ৷

প্ৰণৱ গগৈৰ পৰিবাৰে কয়, 'আলফা স্বাধীনৰ মুখ্য সেনাধ্যক্ষ পৰেশ বৰুৱাৰ ওপৰত আমাৰ বিশ্বাস আছে ৷ পৰেশ বৰুৱা ডাঙৰীয়াই ৰাইজৰ আৰু পৰিয়ালৰ আহ্বান শুনিছে।' অতি সোনকালে প্ৰণৱ গগৈক সুস্থ শৰীৰে ঘৰলৈ উভতি আহিব বুলি আশা প্ৰকাশ কৰে প্ৰণৱ গগৈৰ পত্নীয়ে ৷

ইয়াৰ সমান্তৰালভাৱে প্ৰণৱ গগৈৰ মাতৃ আৰু তেওঁ কন্যায়েও শান্তি অনুভৱ কৰি সাংবাদিকৰ আগত মন্তব্য প্ৰকাশ কৰে ৷ 'পৰেশ বৰুৱা ককালৈ ধন্যবাদ জনাইছোঁ ৷ তেখেতে আজি আমাক সুখবৰ দিলে। এতিয়া এটাই অনুৰোধ, সোনকালে মোৰ পিতৃ আৰু ৰাম কুমাৰ খুঢ়াক সুস্থ শৰীৰিৰে ঘৰলৈ যাতে উভতাই পঠায়।' প্ৰণৱ গগৈৰ কন্যাই এইদৰে মন্তব্য প্ৰকাশ কৰে ৷

লগতে পঢ়ক: বোকাখাত সমষ্টিত বিজেপি-অগপৰ বৃহৎ প্ৰত্যাহ্বান হ'ব জিতেন গগৈ