আমগুৰি, ৯ ডিচেম্বৰ: ডিচেম্বৰ-জানুৱাৰী আহিলেই ৰাজ্যৰ পৰ্যটনস্থলী সমূহত ভিৰ কৰে পৰ্যটক তথা বনভোজৰ দলবোৰে ৷ আন আন পৰ্যটনস্থলীৰ দৰে ব্যৰ্তিক্ৰম নহয় স'ৰাগুৰি চাপৰি ৷ ৰাজ্যৰ উল্লেখনীয় এডোখৰ পৰ্যটনস্থলী হৈছে শিৱসাগৰ জিলাৰ ঐতিহাসিক স'ৰাগুৰি চাপৰি ।
পৰিতাপৰ বিষয় যে, এই স'ৰাগুৰি চাপৰিত আজিও সুচল হৈ উঠা নাই যাতায়ত ব্যৱস্থা (Communication system of Saraguri Chapori) ৷ স্থানীয় লোকে সদৰী কৰা মতে, দিখৌ-দৰিকা আৰু ব্ৰহ্মপুত্ৰৰ সংযোগ স্থানত স্থানীয় লোকে কেৱল এখনি মাৰ-নাৱেৰে অব্যাহত ৰাখিছে যাতায়াত। যাৰ ফলত স'ৰাগুৰি চাপৰিলৈ অহা পৰ্যটকৰ লগতে স্থানীয় লোক সকলে প্ৰত্যেক দিনে কৰি আহিছে বিপদসংকুল যাতায়ত ৷ অনুন্নত যাতায়তৰ এই সমস্যাটোৱে বেয়াকৈ প্ৰভাৱি কৰিছে আজানপীৰ দৰগাহ আৰু স'ৰাগুৰি চাপৰিৰ পৰ্যটন ক্ষেত্ৰখনক(Poor Communication affects tourism sector) ৷
অভিযোগ অনুসৰি, জীৱন-মৰণক বুকুত বান্ধি দৈনিক ইপাৰ-সিপাৰ হ'ব লগা হয় স্থানীয় লোকসকল । পৰ্যটকৰ অন্যতম আকৰ্ষণস্থলী ঐতিহাসিক আজানপীৰ দৰগাহ আৰু স'ৰাগুৰি চাপৰিৰ পৰ্যটন ক্ষেত্ৰ( tourism sector of Ajan Pir Dargah and Saraguri Chapori)ৰ প্ৰতি গুৰুত্ব প্ৰদান কৰি যোগাযোগ ব্যৱস্থাটো সুচল কৰি তোলাৰ বাবে ৰাজ্য চৰকাৰে আজিকোপতি গুৰুত্ব প্ৰদান নকৰাৰ অভিযোগ উত্থাপন কৰিছে স্থানীয় লোকে ৷