দিখৌমুখৰ পথাৰত ৰোৱনী লুকালে !

শাওনৰ পথাৰত কঠিয়া ৰোৱাত ব্যস্ত হৈ পৰিছে কৃষক-ৰোৱনী সকল ৷ ইয়াৰ মাজতে শিৱসাগৰ জিলাৰ পথাৰত এটা কঠিয়া ৰোৱা যন্ত্ৰই দৃষ্টি আকৰ্ষণ কৰিছে কৃষক ৰাইজৰ ৷ কিন্তু কি এই বিশেষ যন্ত্ৰটো ?

আমগুৰি, 4 জুলাই : এতিয়া খেতিৰ ভৰপক সময় ৷ শাওনৰ পথাৰত কঠিয়া ৰোৱাত ব্যস্ত হৈ পৰিছে কৃষক-ৰোৱনী সকল ৷ ইয়াৰ মাজতে আন্তঃৰাষ্ট্ৰীয় ধান গৱেষণা কেন্দ্ৰ আৰু কৃষি বিজ্ঞান কেন্দ্ৰৰ দ্বাৰা দিখৌমুখত পোন প্ৰথমবাৰৰ বাবে পৰীক্ষামূলক ব্যৱহাৰ কৰা হয় Paddy Transplantor নামৰ এটা কঠিয়া ৰোৱা যন্ত্ৰ ৷ পেট্ৰ’ল চালিত দুই লাখ 63 হাজাৰ টকা মূল্যৰ যন্ত্ৰটোৱে এক ঘন্টাত এক লিটাৰ ইন্ধনেৰে দুই বিঘা মাটিত কঠিয়া ৰুব পাৰিব কৃষকে ৷

দলিছা পদ্ধতিত অতি সহজে কঠিয়া ৰোৱা এই যন্ত্ৰটোৰ দ্বাৰা ৰুলে ধানৰ উৎপাদনো বৃদ্ধি পায় বুলি জনাইছে কৃষি বিজ্ঞান কেন্দ্ৰৰ বিষয়ববীয়াই ৷ শিৱসাগৰ জিলা কৃষি বিজ্ঞান কেন্দ্ৰ আৰু আন্তঃৰাষ্ট্ৰীয় ধান গৱেষণা কেন্দ্ৰৰ দ্বাৰা ৰূপায়িত হোৱা Assam Agribussiness and Rural Transformation Project আঁচনিৰ অধীনত যিকোনো কৃষকে ৰাজ-সাহাৰ্যৰ জৰিয়তে এই যন্ত্ৰটো ক্ৰয় কৰিব পাৰিব ৷ খেতিৰ দিনত ৰোৱনী বিচাৰি হাহাকাৰ কৰা কৃষকসকলে এই যন্ত্ৰ ব্যৱহাৰ কৰি খৰছ হ্ৰাস কৰাই নহয় ধানৰ উৎপাদনো বৃদ্ধি কৰি উপকৃত হ'ব পাৰিব ৷

লগতে পঢ়কঃআহোম ঐতিহ্য বহনকাৰী মাজুলীৰ এখন বিশেষ বিচনী