সোণাৰিত বুজন পৰিমাণৰ কানি জব্দ, আটক দুজন

শুকুৰবাৰে ৰাইদেউ জিলাৰ সদৰ সোণাৰি নগৰত সোণাৰি আৰক্ষীয়ে গোপন সূত্ৰৰ পৰা পোৱা তথ্যৰ ভিত্তিত চলোৱা অভিযানত জব্দ কৰে বুজন পৰিমাণৰ কানি ৷ ইয়াৰোপৰি দুজন লোককো আটক কৰে অভিযানকাৰী দলটোৱে ৷

সোণাৰি, 9 অক্টোবৰ:বৃহস্পতিবাৰে সোণাৰিত ড্ৰাগছসহ তিনিজনক আটক কৰাৰ পাচত শুকুৰবাৰে পুনৰ নিচাজাতীয় দ্ৰব্য কানিসহ দুজন লোকক আটক কৰে আৰক্ষীয়ে ৷ চৰাইদেউ জিলাৰ সদৰ সোণাৰি নগৰত সোণাৰি আৰক্ষীয়ে গোপন সূত্ৰৰ পৰা পোৱা তথ্যৰ ভিত্তিত চলোৱা অভিযানত জব্দ কৰে বুজন পৰিমাণৰ কানি ৷

চুবুৰীয়া ৰাজ্য নগালেণ্ডৰ মন জিলাৰ নিবাসী মানকাই কন্যাক আৰু মনৱে কন্যাক নামৰ দুজন লোকে এখন এল্ট' গাড়ীত অৰুণাচল প্ৰদেশৰ পৰা নগালেণ্ডলৈ কানিখিনি নি থকাৰ সময়তে আৰক্ষীৰ অভিযানত ধৰা পৰে ৷ অভিযানকাৰী আৰক্ষীৰ দলটোৱে কানি সৰবৰাহত জড়িত দুই নগা যুৱকৰ লগতে AS-01 T-8461 নম্বৰৰ বাহনখনো জব্দ কৰে ৷

লগতে পঢ়ক:সুৰাপান কৰি অত্যাচাৰ চলোৱাৰ বাবেই নিজ পুত্ৰই হত্যা কৰিলে পিতৃক