আমগুৰি,28 অক্টোবৰ:শিৱসাগৰৰ হালোৱাটিং আৰক্ষীৰ সফল অভিযান ৷ বিগত 16 অক্টোবৰত অসম-নাগালেণ্ড সীমান্তৱৰ্তী হালোৱাটিং আৰক্ষী থানাৰ অন্তৰ্গত এক অঞ্চলত জিলা প্ৰশাসন, আবকাৰী বিভাগ আৰু স্থানীয় আৰক্ষীৰ যৌথ অভিযানত উদ্ভৱ হৈছিল এক অপ্ৰীতিকৰ পৰিস্থিতি ৷ হালোৱাটিং বজাৰৰ সমীপৰ কপাহতলি মিছিং গাঁৱত অবৈধ অৰুণাচলী সুৰাৰ বিৰুদ্ধে চলিছিল উক্ত অভিযান ৷ অভিযানৰ সময়ছোৱাত অভিযানকাৰী দলটোৰ লগতে একাংশ সংবাদকৰ্মী আক্ৰমণৰ বলি হৈছিল স্থানীয় লোকৰ ৷
আক্ৰমণৰ ঘটনাত জড়িত ব্যক্তিক আটক
পৰৱৰ্তী সময়ত ৰাজু য়েইন আৰু বিমল গাৰে নামৰ দুগৰাকী দুৰ্বৃত্তৰ বিৰুদ্ধে এজাহাৰ দাখিল কৰা হৈছিল স্থানীয় আৰক্ষী চকীত ৷ দুৰ্বৃত্ত দুগৰাকীয়ে ঘটনা সংঘটিত হোৱাৰ পিছত কিছুদিন ধৰি আত্মগোপন কৰে ৷ অৱশেষত আৰক্ষীৰ অভিযানকাৰী দলে মঙলবাৰৰ নিশা এগৰাকী দুৰ্বৃত্তৰ ম’বাইলৰ লোকেচনৰ ভিত্তিত তথ্য সংগ্ৰহ কৰি অভিযান চলাই আটক কৰিবলৈ সক্ষম হয় ৷