শিৱসাগৰ,13 এপ্ৰিলঃমহামাৰী কৰ’ণা ভাইৰাছৰ আতংকৰ মাজতে আহি পালেহি অসমীয়াৰ হেঁপাহৰ ৰঙালী বিহু ৷ সোমবাৰে গৰু বিহু,অসমীয়াৰ বাপতি সাহোন ৰঙালী বিহুৰ প্ৰথমটো দিন ৷ ৰাজ্যৰ অন্য প্ৰান্তৰ দৰে শিৱসাগৰৰ গ্ৰামাঞ্চলত নাই পূৰ্ৱৰ দৰে বিহুৰ উছাহ ৷ তৎস্বত্বেও শিৱসাগৰ নগৰ আৰু ইয়াৰ সমীপৱৰ্তী অঞ্চলৰ ৰাইজে সোমবাৰে Covid 19 ৰ পৰিপ্ৰেক্ষিতত চৰকাৰে নিৰ্ধাৰণ কৰা নীতি-নিয়মৰ মাজেৰে আনুষ্ঠানিকতা ৰক্ষা কৰি বিহু উদযাপন কৰে ৷ সামাজিক দূৰত্ব বজাই ৰাখি গৰু গা ধোৱাই গৰু বিহু পালন কৰে ৰাইজে ৷
আৰোগ্য নিধিলৈ আৰ্থিক অনুদান শিৱসাগৰৰ ঐক্যৰ ইফালে, শিৱসাগৰৰ সামাজিক অনুষ্ঠান ঐক্যই প্ৰতি বছৰে গৰু বিহুৰ দিনা আয়োজন কৰা কণী যুঁজ আৰু মুকলি বিহুৰ অনুষ্ঠান Covid 19 ৰ বাবে বাতিল কৰে । সোমবাৰে পুৱা বিহুৰ পতাকা উত্তোলন কৰাৰ পাছত উদ্যোক্তাসকলে এক লাখ টকা জিলা উপায়ুক্তৰ জৰিয়তে অসম চৰকাৰৰ আৰোগ্য নিধিলৈ প্ৰেৰণ কৰে । জয়সাগৰৰ সন্মিলিত ৰঙালী বিহু উদযাপন সমিতিৰ তৰফৰ পৰাও ১ লাখ ১১ হেজাৰ টকা অসম আৰোগ্য নিধিলৈ প্ৰদান কৰাৰ কথা ঘোষণা কৰা হয় । Covid 19 ৰ বাবে জিলাখনৰ সকলো বিহুৰ অনুষ্ঠান ইতিমধ্যে বাতিল হৈছে ৷
লগতে চাওকঃঐতিহ্যমণ্ডিত লতাশিল খেলপথাৰত অনুষ্টুপীয়াকৈ পতাকা উত্তোলন কাৰ্যসূচী
