আমগুৰি,২৮ এপ্ৰিল : শিৱসাগৰ জিলাৰ কালুগাঁও খণ্ড প্ৰাথমিক স্বাস্থ্যকেন্দ্ৰত সৃষ্টি হৈছে এক অৰাজক পৰিস্থিতিৰ । নিৰ্দিষ্ট সময়ত কাৰ্যালয়লৈ স্বাস্থ্য বিষয়া নহাৰো অভিযোগ । স্বাস্থ্য বিষয়াৰ হেমাহিৰ বাবেই নিৰ্দিষ্ট সময়ত কৰ’ণা ভেকচিন লাভ নকৰাৰ অভিযোগ স্থানীয় ৰাইজৰ । যি সময়ত কৰ'ণা ভাইৰাচে ৰাজ্যত ভয়াৱহ পৰিস্থিতিৰ সূচনা কৰিছে, সেই সময়তে শিৱসাগৰ জিলাৰ কালুগাঁও খণ্ড প্ৰাথমিক স্বাস্থ্য কেন্দ্ৰত চৰকাৰে জাৰি কৰা ক'ভিড প্ৰট'কল একপ্ৰকাৰ ভেঙুচালিত পৰিণত হৈছে । ক'ভিডৰ নীতি-নিৰ্দেশনাৰ দ্বাৰা চৰকাৰে বাৰম্বাৰ ৰাইজক সজাগ কৰাৰ চেষ্টা অব্যাহত ৰাখিছে । সামাজিক দূৰত্ব, মাস্ক ব্যৱহাৰ কৰি কৰ'ণা প্ৰতিহত কৰিবলৈ জনসাধাৰণক আহ্বান জনাই আহিছে ।
কালুগাঁও খণ্ড প্ৰাথমিক স্বাস্থ্য কেন্দ্ৰত ভংগ ক’ভিড নীতি !