আমগুৰি, ৯ মাৰ্চ: 14 দিনৰ অন্তত শিৱসাগৰ জিলাৰ নামতিৰ কিশোৰী নিৰ্যাতনকাৰী বাবুল আলীয়ে শিৱসাগৰ জিলা আৰক্ষীৰ ওচৰত আত্মসমৰ্পন কৰে (Namti Minor harassments case) ৷ দীৰ্ঘদিন ধৰি বাবুল আলী নামৰ অসৎ চৰিত্ৰৰ ব্যৱসায়ীটোৱে নামতি চাৰিআলিৰ এগৰাকী কিশোৰীক শাৰীৰিক, মানসিক নিৰ্যাতন চলোৱাৰ অভিযোগ উত্থাপিত হৈ আহিছিল (Teenage Assaulted by Man)।
ইতিমধ্যে ঘটনা সন্দৰ্ভত শিৱসাগৰ জিলা আৰক্ষীয়ে বৃহস্পতিবাৰে অভিযুক্ত বাবুল আলীৰ পত্নী, এজন আৰক্ষী কনিষ্টবলসহ চাৰিজনক গ্ৰেপ্তাৰ কৰাৰ পিচতেই বিয়লি অভিযুক্ত বাবুলে আত্মসমৰ্পন কৰে (Accused Babul Ali surrendered)। ইফালে এই ঘটনা সন্দৰ্ভত নামতি আৰক্ষী থানাৰ ভাৰপ্ৰাপ্ত বিষয়া বিনোদ দিহিঙীয়াক ৰিজাৰ্ভ ক্ল’জ কৰিছে ৷ ধৃত লোককেইগৰাকী হৈছে বাবুল আলীৰ পত্নী আচমা বেগম, আৰ্চিদ আলী,জাকিৰ আলী আৰু আৰক্ষী কনিষ্টবল প্ৰবীন চৰাইমূৰীয়া ৷
ঘটনা অনুসৰি বাবুল আলী নামৰ অসৎ চৰিত্ৰৰ লোকজনে ঘৰৰ ওচৰৰে এগৰাকী 13 বছৰীয়া কিশোৰীক বহুদিন ধৰি শাৰীৰিক আৰু মানসিক নিৰ্যাতন চলাই আহিছিল বুলি অভিযোগ উত্থাপন হৈছিল ৷ বাবুলে কিশোৰীগৰাকীয়ে স্নান কৰি থকা সময়ত নিজৰ ফোনত গোপনে ফটো আৰু ভিডিঅ’ বন্দী কৰি ভাইৰেল কৰাৰ ভাবুকি দিছিল কিশোৰীগৰাকীক ৷ ইয়াৰোপৰি বিভিন্ন সময়ত কিশোৰীগৰাকীক নিচাযুক্ত দ্ৰব্য খুৱাই ডিঙিত চুৰি লগাই হত্যা কৰাৰো ভাবুকি দিছিল বাবুলে (Sexual abuse allegation against Babul Ali) ৷