শিৱসাগৰ, 10 জুলাই : আমগুৰিৰ এগৰাকী চিকিৎসকৰ বিৰুদ্ধে স্বাস্থ্য বিভাগে কোনো ব্যৱস্থা গ্ৰহণ নকৰাক লৈ মৰিয়নী সমষ্টিৰ বিধায়ক ৰূপজ্যোতি কুৰ্মীয়ে শুকুৰবাৰে শিৱসাগৰ জিলা দণ্ডাধীশক এক স্মাৰক পত্ৰ প্ৰদান কৰে।
শিৱসাগৰ জিলা দণ্ডাধীশক স্মাৰকপত্ৰ প্ৰদান ৰূপজ্যোতি কুৰ্মীৰ
উল্লেখ্য যে, আমগুৰি সামুহিক চিকিৎসালয়ৰ উপ-অধীক্ষক চিকিৎসক হেমেন গগৈয়ে আমগুৰি নগৰৰ মাজ মজিয়াত ব্যক্তিগত ভাৱে খোলা কেয়াৰ লাইফ নামৰ ক্লিনিক খনত অনৈতিক ভাৱে এগৰাকী ১৩ বছৰীয়া কিশোৰীক গৰ্ভপাত কৰাৰ ফলত সম্প্ৰতি কিশোৰী গৰাকীৰ স্বাস্থ্যৰ অৱনতি ঘটে । পাচত তেওঁক শিৱসাগৰ অসামৰিক চিকিৎসালয়ত ভৰ্তি কৰোৱা হৈছিল। পৰৱৰ্তী সময়ত এই ঘটনা পোহৰলৈ অহাত ৰাইজৰ মাজত ব্যাপক প্ৰতিক্ৰিয়াৰ সৃষ্টি হোৱাৰ লগতে প্ৰতিবাদী কাৰ্যসূচী গ্ৰহণ কৰা হৈছিল চিকিৎসক জনৰ বিৰুদ্ধে । কিন্তু চিকিৎসকজনৰ বিৰুদ্ধে কোনো ব্যৱস্থা নল'লে প্ৰশাসনে ।