শিৱসাগৰ, 2 জুন:শিৱসাগৰৰসোণাৰিত ক্ৰমাৎ তীব্রতৰ হৈ উঠিছে বনৰীয়া হাতী-মানুহৰ সংঘাত ৷ বিগত কেইদিনমানৰ পৰা খাদ্যৰ সন্ধানত অভয়পুৰ সংৰক্ষিত বনাঞ্চলৰ পৰা ওলাই অহা এটা বনৰীয়া হাতীৰ জাকে নগৰখনৰ পাৰ্শ্বৱৰ্তী অঞ্চলসমূহত উপদ্ৰৱ চলাই ৰাইজৰ নিদ্ৰাহৰণ কৰিছে । দুদিন পূৰ্বে সোণাৰিৰ নিকটৱৰ্তী গোৱালাপথাৰ গুটিঘাট অঞ্চলত উপদ্ৰৱ চলাই এটা বনৰীয়া হাতীৰ জাকে তিলেশ্বৰ বৰা নামৰ লোকজনৰ খেতি,সা-সম্পত্তি আদি তহিলং কৰাৰ পিছত সোমবাৰে নিশা পুনৰ টাওকাক গাঁও পঞ্চায়তৰ অন্তৰ্গত এক অঞ্চলত প্ৰায় ৪০/৪৫ জনীয়া বনৰীয়া হাতীৰ জাকে সন্ত্ৰাস চলায়। এই আক্ৰমণৰ ফলত আব্দুল ৰহমান নামৰ এজন লোকৰ বাসগৃহ সম্পূৰ্ণ বিধ্বস্ত হোৱাৰ বিপৰীতে কথমপি প্ৰাণ ৰক্ষা পৰে পৰিয়ালটোৰ ।
হস্তী-মানৱৰ সংঘাত