আমগুৰিত ছাগলীৰ দেহত অচিন ৰোগৰ লক্ষণ

আমগুৰিত ছাগলীৰ দেহত দেখা দিয়া অচিন ৰোগে চিন্তিত কৰি তুলিছে পশু পালকসকলক ৷ অচিন ৰোগত ৰাতিৰ ভিতৰতৰ মৃত্যু হৈছে পশু পালকৰ বহু ছাগলী। ৰাজ্যৰ পশুপালন বিভাগৰো কোনো গুৰুত্ব প্ৰদাণ নকৰা অভিযোগ উত্থাপন কৰিছে ভুক্তভূগি ৰাইজে৷

আমগুৰি, 6 নৱেম্বৰ: গাহৰিৰ ছোৱাইন ফিভাৰ, ম'হৰ অচিন ৰোগৰ পিছত শিৱসাগৰ জিলাৰ আমগুৰিত এইবাৰ ছাগলীৰ দেহত দেখা দিছে অচিন ৰোগৰ লক্ষণে৷ ইয়াকে লৈ চিন্তিত কৰি তুলিছে ছাগলি পালক সকলক৷ প্ৰথমে অত্যাধিক শৌচ হোৱাৰ লগতে ছাগলীৰ জ্বৰ, মুখ চিগা, পেট ওখহা, চকুৰ পানী ওলোৱা আদি অচিন ৰোগত ৰাতিৰ ভিতৰতৰ মৃত্যু হৈছে পশু পালকৰ বহু ছাগলী ৷

উল্লেখ্য যে, ছাগলীৰ প্লেগ বা গ'ট প্লেগে নামেৰে জনাজাত এই ৰোগৰ অসমত সুলভ নহয় কোনো ভেকচিন। যাৰ বাবে দিশহাৰা হৈ পৰিছে পশু পালক সকল ৷ ইফালে ৰাজ্যৰ পশুপালন বিভাগৰো কোনো গুৰুত্ব প্ৰদাণ নকৰা অভিযোগ উত্থাপন কৰিছে ভুক্তভূগি ৰাইজে৷ অভিযোগ অনুসৰি খবৰ দিলেও নাহে পশু বিভাগৰ চিকিৎসক তথা কোনো বিভাগীয় কৰ্মচাৰী।

লগতে পঢ়কঃCBIক হাথৰছ কাণ্ডৰ তদন্তৰ প্ৰতিবেদন দাখিলৰ নিৰ্দেশ লক্ষ্ণৌ আদালতৰ