আমগুৰি চাহ বাগিচাত আদৰ্শ হাইস্কুলৰ আধাৰশিলা স্থাপন
ৰাজ্যৰ চাহ বাগিচা অঞ্চল সমূহত ১১৯ খন নতুন বিদ্যালয় স্থাপনৰ সিদ্ধান্ত ৷ ৰাজ্যাৰ অন্য প্ৰান্তৰ লগতে আমগুৰিত আদৰ্শ উচ্চ মাধ্যমিক বিদ্যালয়ৰ আধাৰশিলা স্থাপন ৷ অসম চৰকাৰৰ শিক্ষা বিভাগৰ তত্বাৱধানত লোক নিৰ্মাণ বিভাগৰ দ্বাৰা নিৰ্মিত হ'ব এই সমূহ বিদ্যালয় ৷
আমগুৰি চাহ বাগিচাত আদৰ্শ হাই স্কুল নিৰ্মাণৰ আধাৰশিলা স্থাপন
আমগুৰি, 1 নৱেম্বৰ :ৰাজ্যৰ ভিন্ন প্ৰান্তত অসম চৰকাৰৰ পৃষ্ঠপোষকতাত চাহ বাগিছা অঞ্চলৰ ছাত্ৰ ছাত্ৰী সকলৰ বাবে নিৰ্মিত হ'ব লগা আদৰ্শ উচ্চ মাধ্যমিক বিদ্যালয় সমূহৰ আজি আধাৰশিলা স্থাপন অনুষ্ঠিত হয় ৷ ৰাজ্যৰ অন্যান্য প্ৰান্তৰ লগতে আমগুৰি চাহ বাগিছাতো আমগুৰিৰ বিধায়ক প্ৰদীপ হাজৰিকাই আদৰ্শ উচ্চ মাধ্যমিক বিদ্যালয় নিৰ্মাণৰ আধাৰশিলা স্থাপন কৰে ৷ পুৰোহিতৰ দ্বাৰা পূজা অৰ্চনা কৰি আৰম্ভ কৰা আধাৰশিলা স্থাপন অনুষ্ঠানত উপস্থিত থাকি সমষ্টিৰ বিধায়ক প্ৰদীপ হাজৰিকাই চাহ বাগিচা অঞ্চলত বিদ্যলয় স্থাপনৰ পদক্ষেপক আদৰণি জনোৱাৰ লগতে এনে পদক্ষেপে বাগিচাৰ ছাত্ৰ-ছাত্ৰীসকলক শিক্ষাৰ ক্ষেত্ৰত অধিক আগবঢ়াই নিব বুলি আশা ব্যক্ত কৰে ।
লগতে পঢ়ক:পাঠশালাত ঘেৰাও ফণীভূষণ চৌধুৰীৰ বাহন