যুৱকৰ পৰা দুৰ্বত্তই কাঢ়ি নিলে ধন !

বাইকত অহা দুজন যুৱকে শিৱসাগৰ জিলাৰ গেলেকীৰ দুজন যুৱকৰ পৰা লুটি নিলে তিনি লাখ ৷ ঘটনা সন্দৰ্ভত এজাহাৰ দাখিল ৷

শিৱসাগৰ,29আগষ্ট : শিৱসাগৰ জিলাৰ গেলেকীত সংঘটিত হয় ধন লুটৰ ঘটনা ৷ পাঞ্জাৱ নেচনেল বেংকৰ পৰা উলিয়াই অনা তিনি লাখ টকা কাঢ়ি নিলে দুৰ্বত্তই ৷

ঘটনা অনুসৰি, গেলেকীৰ তমিজুৰ ৰহমান নামৰ এজন চাহপাত ব্যৱসায়ীয়ে শ্ৰমিকৰ দৰমহাৰ বাবে বেংকৰ পৰা তিনি লাখ টকা উলিয়াই আনিবলৈ দিছিল তেওঁৰ গাড়ী চালক জিন্তু গগৈক । জিন্তু গগৈয়ে মিঠু গগৈ নামৰ যুৱকজনৰ সৈতে টকাখিনি উলিয়াই জিলাখনৰ টেম্পল ৰোডৰ ৰাধাৰাণী ফাৰ্মাচীৰ সন্মুখত পাৰ্ক কৰা গাড়ীৰ ওচৰলৈ খোজকাঢ়ি আহি আছিল ৷ এই সময়তে পালচাৰ বাইকত অহা দুজনীয়া দুৰ্বত্তই মিঠু গগৈৰ হাতত থকা ধনৰ টোপোলাটো কাঢ়ি উধাও হয় ৷ ইফালে, এই ঘটনাৰ পাচতেই অঞ্চলটোত সৃষ্টি হয় উত্তপ্ত পৰিস্থিতিৰ ৷ ঘটনা সম্পৰ্কে শিৱসাগৰ সদৰ থানাত দাখিল কৰা হৈছে এজাহাৰ ৷