শিৱসাগৰ, 30 নৱেম্বৰ: শিৱসাগৰৰ কোঁৱৰপুৰ শেনচোৱা গাঁৱত সোমবাৰে পুৱা এক শোকাবহ দুৰ্ঘটনা সংঘটিত হয় । কোঁৱৰপুৰ শেনচোৱা গাঁৱৰ নিৱাসী পেচাত শ্ৰমিক হেমিদুৰ ৰহমান নামৰ লোকজনে স্থানীয় মাটি মহলত কাম কৰি থকা অৱস্থাত হঠাৎ মাটিয়ে হেঁচা মাৰি ধৰে । মাটি খান্দি থকা অৱস্থাত সংঘটিত এই দুৰ্ঘটনাটো ৷
শিৱসাগৰত কৰ্মৰত অৱস্থাত শ্ৰমিকৰ মৃত্যু
ঘটনা সংঘটিত হোৱাৰ পাচতে স্থানীয় লোকে ততাতৈয়াকৈ মাটি আঁতৰাই নগৰৰ প্ৰগতি চিকিৎসালয়লৈ লৈ যায় শ্ৰমিকজনক ৷ শ্ৰমিকজনৰ স্বাস্থ্যৰ অৱনতি অধিক ঘটাৰ বাবে শ্ৰমিক জনক লৈ যোৱা হয় যোৰহাট মেডিকেল কলেজলৈ ৷ কিন্তু চিকিৎসালয় পোৱাৰ পূৰ্বে জাঁজী দলঙৰ সমীপতে মৃত্যু হয় শ্ৰমিকজনৰ ।