শিৱসাগৰ,১৩ জুলাই:সোমবাৰে পুৱাই তাই আহোম ছাত্ৰ সন্থাৰ প্ৰাক্তন মুখ্য উপদেষ্টা সদ্য প্ৰয়াত অশ্বিনী চেতিয়াৰ দুজনকৈ ভাতৃ আক্ৰান্ত হোৱাৰ খবৰ বিয়পি পৰাৰ লগে লগে শিৱসাগৰ জিলাৰ লগতে যোৰহাট জিলাটো সৃষ্টি হৈছে আতংকৰ । উল্লেখ্য যে তাই আহোম ছাত্ৰ সন্থাৰ সংগ্ৰামখনক সন্মুখৰ পৰা নেতৃত্ব দিয়া অশ্বিনী চেতিয়াৰ শেষকৃত্য অনুস্থানত প্ৰায় ২০০০ৰো অধিক লোক সমবেত হৈছিল। য'ত উপস্থিত আছিল মন্ত্ৰী যোগেন মহন,সঞ্জয় কৃষাণ,সাংসদ তপন গগৈ, কামাখ্যা প্ৰসাদ তাছা,জিলা উপায়ুক্ত,জিলা আৰক্ষী অধীক্ষক,বিজেপি দলৰ কৰ্মীৰ লগতে বহুকেইটা জাতীয় সংগঠনৰ নেতা ।
ইতিমধ্যে যোৰহাট লোকসভা সমষ্টিৰ সাংসদ তপন কুমাৰ গগৈ,অসম চৰকাৰৰ মন্ত্ৰী যোগেন মহন,জিলা উপায়ুক্ত,জিলা আৰক্ষী অধীক্ষক,শিৱসাগৰ জিলাৰ বিজেপি সভানেত্ৰী সুৰভি ৰাজকুঁৱৰীকে আদি কৰি বিজেপিৰ বহ সংখ্যক দলীয় কাৰ্যকৰ্তাই স্বাৱ টেষ্ট কৰা বুলি জানিব পৰা গৈছে।