কুটীৰ শিল্পক লৈ আমগুৰিত প্ৰশংসনীয় পদক্ষেপ

অসমীয়া সমাজ-সংস্কৃতিৰ লগত উতঃপ্ৰোত ভাৱে জড়িত কুটিৰ শিল্পক এক উদ্যোগলৈ ৰূপান্তৰিত কৰা এই পদক্ষেপক এতিয়া সকলোৱে কৰিছে প্ৰশংসা ৷

আমগুৰি, ৩০ জুন :অসমীয়া সমাজ আৰু সংস্কৃতিৰ এৰাব নোৱাৰা এক শিল্প কুটীৰ শিল্প ৷ অসমীয়া সমাজ আৰু সংস্কৃতিৰ পৰা ক্ৰমান্বয়ে হেৰাই গৈছে এই কুটীৰ শিল্পবিধ । বৰ্তমানৰ নৱপ্ৰজন্মৰ এই শিল্পৰ প্ৰতি আগ্ৰহ নোহোৱাত সম্প্ৰতি গ্ৰামাঞ্চলৰ কিছু সংখ্যক লোকেহে এই শিল্পবিধক জীয়াই ৰাখিবলৈ সক্ষম হৈছে । কিন্তু শেহতীয়াকৈ ৰাজ্যৰ ক’ভিড পৰিস্থিতি আৰু লকডাউনে অধিক প্ৰভাৱান্বিত কৰিছে কুটীৰ শিল্পক। উপযুক্ত বজাৰ লাভ নকৰা আৰু প্লাষ্টিকৰ সামগ্ৰীৰে গ্ৰাস কৰি পেলোৱাত কুটীৰ শিল্পই এতিয়া মৃত্যুৰ ক্ষণ গণিব লগীয়া হৈছে । এনে পৰিস্থিতিত কুটীৰ শিল্পীসকলে বহু অসুবিধাৰ সন্মুখীন হব লগীয়া হৈছে ।

উল্লেখ্য যে, অংকুৰণ কৃষি গোটৰ লগত জড়িত লোকসকলে সামাজিক দূৰত্ব বজাই ৰাখি তথা ক’ভিড প্ৰটকল মানি আৰ্থিক সমস্যাৰ সন্মুখীন নহ'বৰ বাবে কুটীৰ শিল্পকে আয়ৰ উৎস হিচাপে বাচি লৈছে । আজৰি সময়ত ঘৰত বহি নাথাকি, কৃষি-কৰ্ম সামৰি গোটৰ সদস্যসকল একগোট হৈ বিভিন্ন সামগ্ৰী প্ৰস্তুত কৰাত ব্যস্ত হৈ পৰে সকলো । অসমীয়া সমাজ-সংস্কৃতিৰ লগত উতঃপ্ৰোত ভাৱে জড়িত কুটিৰ শিল্পক এক উদ্যোগলৈ ৰূপান্তৰিত কৰা এই পদক্ষেপক এতিয়া সকলোৱে কৰিছে প্ৰশংসা ৷

লগতে পঢ়ক :ভাইৰেল হৈছে দৰং জিলাৰ পৰিবহণ বিষয়া সঞ্জীৱ কৃষ্ণ