শিৱসাগৰ, ২৪ আগষ্ট: শিৱসাগৰ জিলাৰ অৰ্জ্জুনগুৰিত অঘটন । উক্ত অঞ্চলটোৰ ব্যৱসায়ী নুৰুল আহমেদ ওৰফে দাদুমণিয়ে দৰিকা নৈত মাছ ধৰিবলৈ গৈ সন্ধানহীন হৈ আছে বুলি জানিব পৰা গৈছে (Businessman Missing in Darika river)। ঘটনাৰ বিৱৰণি মতে, বুধবাৰে পুৱতি নিশা মাছ ধৰিবলৈ দৰিকা নৈলৈ গৈছিল দাদুমণি । কিন্তু অকস্মাতে নৈত পৰি যোৱাত ৪২ বছৰীয়া দাদুমণি সন্ধানহীন হয় ।
উক্ত ঘটনাটো সংঘটিত হোৱাৰ পিছত পৰিয়ালৰ লগতে স্থানীয় ৰাইজে বিচাৰ-খোচাৰ কৰে যদিও কোনো শুংসূত্ৰ উলিয়াব পৰা নাই । অৱশ্য়ে ব্যৱসায়ীজনৰ দৰিকা নৈৰ পাৰত তেওঁ ব্য়ৱহাৰ কৰা মটৰ চাইকেলখনৰ লগতে চেণ্ডল আদি উদ্ধাৰ কৰে পৰিয়ালৰ লোকসকলে ।