শিৱসাগৰৰ কুঁজিবালিত যুৱকৰ সলিল সমাধি

শিৱসাগৰ জিলাৰ কুঁজিবালি হাঁহচৰাৰ এক শোকাবহ ঘটনা । দিখৌ নৈত পৰি ৰাতুল স্বৰ্ণকাৰ নামৰ এজন যুৱকৰ সলিল সমাধি।

শিৱসাগৰ,২২জুন: শিৱসাগৰ জিলাৰ কুঁজিবালি হাঁহচৰাত দিখৌ নদীত পৰি এজন যুৱকৰ সলিল সমাধি । ফেনেফুটুকাৰে ভৰি থকা দিখৌ নদীত খৰি ধৰিবলৈ গৈ সোমবাৰে মৃত্যুক আঁকোৱালি ললে ৰাতুল স্বৰ্ণকাৰ নামৰ এজন যুৱকে । মঠাউৰিৰ লগত বাঢ়নি পানীৰ স্তৰ সমান হৈ থকাত পানীৰ কোনো উমান নাপাই নদীৰে উটি অহা খৰি ধৰিবলৈ গৈ দিখৌত ডুব যায় ৰাতুল নামৰ যুৱকজন ।

ঘটনাস্থলীত উপস্থিত হোৱা একাংশ লোকে নদীত যুৱকজনৰ সন্ধান চলালে যদিওঁ মৃত অৱস্থাতহে যুৱকজনক উদ্ধাৰ কৰিবলৈ সক্ষম হয় । যুৱকজনৰ মৃত্যুৰ বাতৰিয়ে সমগ্ৰ অঞ্চলটোত শোকৰ ছাঁ পেলাইছে ।