শিৱসাগৰ, 28 অক্টোবৰ : শিৱসাগৰত বুধবাৰে জিলা সাহিত্য সভা আৰু ৰংপুৰ সাহিত্য সভাৰ যৌথ উদ্যোগত শিক্ষাবিদ,সু-সাহিত্যক সোণাৰাম বৰুৱাৰ 'অভিনন্দন' গ্ৰন্থ উন্মোচনী অনুষ্ঠান সম্পন্ন কৰে ৷ অসম সাহিত্য সভাৰ এগৰাকী আজীৱন সদস্য,চিন্তাশীল লেখক,শিক্ষাবিদ সোণাৰাম বৰুৱাৰ জীৱন আৰু কৃতী বিষয়ক এখনি অভিনন্দন গ্ৰন্থ ৰংপুৰ সাহিত্য সভাই প্রকাশ কৰি উলিয়াইছে ।
শিৱসাগৰত শিক্ষাবিদ সোণাৰাম বৰুৱাৰ অভিনন্দন গ্ৰন্থ উন্মোচন
উক্ত গ্রন্থখন শিৱসাগৰ জিলা সাহিত্য সভা আৰু ৰংপুৰ সাহিত্য সভাৰ যৌথ উদ্যোগত শিৱসাগৰ বৰ পুখুৰীৰ পাৰত অৱস্থিত যুৱদল প্ৰেক্ষাগৃহত ক'ভিড-19 ৰ চৰকাৰী সমূহ নীতি-নিৰ্দেশনা মানি চলি অনুস্থিত হৈ যায় । উক্ত অনুষ্ঠানত বন্তি প্ৰজ্বলন আৰু মংগলাচৰণ কৰে দিছিয়াল সত্রৰ সত্ৰাধিকাৰ লক্ষ্মীকান্ত মহন্তই ।