শিৱসাগৰত এটিএম ভাঙি নিচাসক্ত দেহৰক্ষী আটক

আৰ পি শৰ্মাৰ দেহৰক্ষীয়ে সোণাৰিৰ মাজমজিয়াত থকা এটা এচ.বি.আইৰ এটিএম ভাঙি লুটপাটৰ চেষ্টা চলায় ৷

শিৱসাগৰ , 08 মে':মঙলবাৰে মাজনিশা আৰ পি শৰ্মাৰ দেহৰক্ষীয়ে সোণাৰিৰ মাজমজিয়াত থকা এটা এচ.বি.আইৰ এটিএম ভাঙি লুটপাটৰ চেষ্টা চলায় ৷ অত্যাধিক সুৰাসক্ত হৈ থকা দেহৰক্ষীজন সোণাৰি মিৰিপথাৰৰ হৰেন্দ্ৰ বুঢ়াগোহাঁই বুলি চিনাক্ত কৰা হৈছে ৷ এ টি এমৰ আইনা ভাঙি আহত হৈছে দেহৰক্ষীজন ৷

ইপিনে সোণাৰি থানাৰ নাতিদূৰত সংঘটিত হোৱা ঘটনাৰ উমান পাই আৰক্ষীয়ে নিশাই দেহৰক্ষী বুঢ়াগোহাঁইক আটক কৰে ৷ ছুটি লৈ বাসগৃহলৈ অহা জোৱান জনে সংঘটিত কৰা ঘটনাত ব্যৱহাৰ কৰা AS 23 B 0834 নম্বৰৰ মাৰুতি 800 বাহন এখনো আৰক্ষীয়ে ঘটনাস্থলীৰ পৰা জব্দ কৰে ৷