আমগুৰিত বাইক কিনাৰ চলেৰে চুৰি কাণ্ড

আমগুৰিত বাইক কিনাৰ চলেৰে চুৰি কাণ্ড ৷ আৰক্ষীৰ সহযোগত স্থানীয় ৰাইজে আটক কৰিলে চোৰক ৷

আমগুৰি, 20 ছেপ্টেম্বৰঃ আমগুৰিত মটৰ চাইকেল কিনাৰ চলেৰে চুৰি কাণ্ড ৷ প্ৰাপ্ত তথ্য অনুসৰি, আমগুৰিৰ অসম নগালেণ্ড সীমান্তৱৰ্ত্তী হালোৱাটিঙৰ এটা গেৰেজৰ পৰা মনোজ তাঁতী নামৰ এজন লোকে মটৰ চাইকেল কিনিবলৈ আহিছিল ৷ তাৰ পাছতেই মটৰ চাইকেল খন চলাই চাব বিচাৰে লোক জনে ৷ কিন্তু বাইক খন চলাই চোৱাৰ চলেৰে লোক জন উধাও হয় সেই স্থানৰ পৰা ৷ ইয়াৰ পাছতেই গেৰেজটোৰ কৰ্মচাৰী সকলে আৰক্ষীক অৱগত কৰিছিল ৷ অৱশেষত আৰক্ষীৰ সহযোগত গেৰেজটোৰ কৰ্মচাৰী আৰু স্থানীয় ৰাইজে ধোদৰ আলিয়েদি নামতি দিশেৰে আহি থকা অৱস্থাত মটৰ চাইকেল সহ চোৰটোক আটক কৰিবলৈ সক্ষম হয় ৷