আমগুৰি, ৭ জুন : মহাপুৰুষ শ্ৰীমন্ত শংকৰদেৱৰ অন্যতম সৃষ্টি হৈছে ভাওনা (Bhaona) । অসমীয়া সমাজ জীৱনৰ ধৰ্মীয় পৰম্পৰা তথা সম্প্ৰীতিৰ নিদৰ্শন দাঙি ধৰা ভাওনা (Bhaona) আজি ক'ভিড (Covid) সৃষ্ট পৰিস্থিতিৰ বাবে স্তব্ধ হৈ পৰিছে । সময়ৰ পাকচক্ৰত শ্ৰীমন্ত শংকৰদেৱৰ অমৰ সৃষ্টি ভাওনাৰ পট পৰিৱৰ্তন হোৱাৰ উপক্ৰম হৈছে । ক্ৰমাৎ এক পেছাদাৰী শিল্পলৈ পৰিণত হৈ পৰিছে এতিয়া ভাওনা (Bhaona) ।
আৰ্থিক সংকটত পৰিছে ভাওনা শিল্পীসকল
কিন্তু ক'ভিড সৃষ্ট পৰিৱেশে প্ৰতিটো দিশলৈ অনিশ্চয়তা অনাৰ সময়তে ভাওনা (Bhaona) শিল্পৰ সৈতে জড়িত প্ৰতিগৰাকী শিল্পীৰ জীৱনলৈও নমাই আনিছে কাল অমানিশা ৷ বৈষ্ণৱ কলাৰ সৈতে জড়িত প্ৰতিগৰাকী শিল্পী এতিয়া কৰ'ণা (Corona)ৰ প্ৰভাৱত জৰ্জৰিত ।