শিৱসাগৰ, 4 জুলাই: শিৱসাগৰ জিলাৰ এটা ব্যস্ততাপূৰ্ণ পথ । এই ব্যস্ততাপূৰ্ণ পথছোৱা চেপন-চূণপোৰা সংযোগী পথ । এই পথেৰে দৈনিক অহা যোৱা কৰে হাজাৰ হাজাৰ যান-বাহন। এই চেপন চূণপোৰা সংযোগী ব্যস্ততাপূৰ্ণ পথছোৱাত থকা ধিতাইপুখুৰী দৰিকা দলঙৰ এতিয়া বিধ্বস্ত ৰূপ (Bad condition of bridge at Sivasagar) ।
ধিতাইপুখুৰীৰ দৰিকা দলঙৰ ওপৰে দৈনিক অ'এনজিচিৰ বিভিন্ন তৈলক্ষেত্ৰলৈ অত্যাধিক বোজা কঢ়িওয়া যান-বাহন অহৰহ অহা-যোৱা কৰে । ইয়াৰ উপৰিও জিলাখনৰ অধিকাংশ ৰাইজ উন্নত চিকিৎসাৰ বাবে সেইপথেৰে ডিব্ৰুগড়ৰ চিকিৎসা মহাবিদ্যালয়লৈ অহা-যোৱা কৰাৰ লগতে এটা বৃহৎ অঞ্চলৰ অধিকাংশ ছাত্ৰ-ছাত্ৰী অহা-যোৱা কৰে ।
ধিতাইপুখুৰী দৰিকা দলঙৰ দুৰৱস্থা
চেপন চূণপোৰা সংযোগী পথৰ ওপৰত থকা বিধ্বস্ত দৰিকা দলঙৰ অৱস্থাই এতিয়া সকলোকে শংকিত কৰি তুলিছে, কিয়নো যিকোনো মুহূৰ্ততে ভয়ংকৰ পথ দূৰ্ঘটনা হোৱাৰ আশংকাই এতিয়া বিৰাজমান কৰিছে সমগ্ৰ অঞ্চলজুৰি ।