শিৱসাগৰ, 17 ফেব্ৰুৱাৰী : পথ সুৰক্ষা মাহৰ উপলক্ষে বুধবাৰে শিৱসাগৰ জিলা পৰিবহণ বিভাগৰ কাৰ্যালয়ত এখন সজাগতা সভাৰ আয়োজন কৰা হয় ৷ উক্ত সভাত পৰিবহন বিভাগৰ কেইবাজনো উচ্চ পদস্থ বিষয়াই যান-বাহন চলাচলৰ নীতি নিয়মৰ সন্দৰ্ভত বাখ্যা আগবঢ়োৱাৰ লগতে পথ দুৰ্ঘটনা কিদৰে হ্ৰাস কৰিব পাৰি তাৰ ওপৰত আলোকপাত কৰে ৷
পথ সুৰক্ষা মাহৰ উপলক্ষে শিৱসাগৰত সজাগতা সভা
ইয়াৰ উপৰিও পথ সুৰক্ষাৰ মাহৰ কাৰ্যসূচী লগত সংগতি ৰাখি জিলা পৰিবহণ বিভাগে বিদ্যালয়, মহাবিদ্যালয়, সামাজিক স্থানত অনুষ্ঠিত কৰা সজাগতা সভা, বাটৰ নাট আদিৰ খতিয়ান দাঙি ধৰে। ইফালে এই সভাতে বিদ্যালয়ৰ ছাত্ৰ-ছাত্ৰীসকলৰ মাজত পথ সুৰক্ষা বিষয়ত আয়োজন কৰা প্ৰতিযোগিতা সমূহৰ বিজয়ী সকলক বঁটা প্ৰদান কৰা হয়।