শিৱসাগৰত নাবালিকা ধৰ্ষণৰ অপচেষ্টা

নিৰ্জনতাৰ সুযোগ গ্ৰহণ কৰি এজন ব্যৱসায়ীয়ে শিৱসাগৰত নাবালিকা ধৰ্ষণৰ চেষ্টা চলায় ৷ স্থানীয় ৰাইজে নাবালিকা গৰাকীক উদ্ধাৰ কৰি অভিযুক্তক সোণাৰি আৰক্ষীক গতাই দিয়ে ৷

শিৱসাগৰ.11মে’:শিৱসাগৰৰসোণাৰিত নাবালিকা ধৰ্ষণৰ অপচেষ্টা এজন ব্যৱসায়ীৰ । জিলাখনৰ আইদেউবাৰী বাগিচা গাঁৱৰ গেলামাল ব্যৱসায়ী বম বাহাদুৰ নেৱাৰে সামগ্রী ক্ৰয় কৰিবলৈ অহা এগৰাকী এঘাৰ বছৰীয়া নাবালিকাক নিৰ্জনতাৰ সুযোগ গ্ৰহণ কৰি ধৰ্ষণৰ চেষ্টা চলায় ৷ আত্মৰক্ষাৰ বাবে চিঞৰ-বাখৰ কৰাত স্থানীয় ৰাইজ উপস্থিত হৈ উদ্ধাৰ কৰে নাবালিকা গৰাকীক ৷ ৰাইজে অভিযুক্তক আটক কৰি উত্তম-মধ্য়ম সোধাই সোণাৰি আৰক্ষীক গতাই দিয়ে ৷ উল্লেখ্য যে, পূৰ্বেও এনে অপকৰ্মত জড়িত আছিল ব্যৱসায়ী গৰাকী ।

লগতে চাওকঃকৰ'ণা আতংক : বানৰ সময়ত ভয়াৱহ হ'ব নেকি পৰিস্থিতি !