চৰহা পোকে চলাইছে চাফাই : আমগুৰিত কৃষকৰ হাহাকাৰ

শিৱসাগৰ আমগুৰিত আকৌ আন এক প্ৰলয়ে দেখা দিছে কৃষকৰ মাজত ৷ সমগ্ৰ জিলা খনতেই চৰহা পোকে বিঘাই-বিঘাই সঁজাল ধৰা ধাননি পথাৰ খাই তহিলং কৰিছে ৷

শিৱসাগৰ, 1 আগষ্টঃ শিৱসাগৰ আমগুৰিত কৃষকৰ হাহাকাৰ পৰিস্থিতি ৷ চৰহা পোকে সঁজাল ধান খাই তহিলং কৰিলে 50 বিঘাৰো অধিক কৃষি ভূমি ৷

ৰাজ্যত প্ৰলয়ংকাৰী বানত বিস্তৰ ক্ষতি সাধন হয় ৰাইজৰ ৷ শিৱসাগৰ আমগুৰিত আকৌ আন এক প্ৰলয়ে দেখা দিছে কৃষক সকলৰ মাজত ৷ সমগ্ৰ জিলা খনতেই চৰহা পোকে বিঘাই-বিঘাই সঁজাল ধৰা ধাননি পথাৰ খাই তহিলং কৰিছে ৷ কৃষক সকলে প্ৰতিৰোধৰ বাবে চেষ্টা কৰিছে যদিও নিয়ন্ত্ৰণ কৰিব পৰা নাই চৰহা পোক ৷ জিলা কৃষি বিভাগত কৃষক সকলে এই সমস্যা অৱগত কৰে যদিও কৃষি বিষয়াই কোনো ধৰণৰ ঔষধ মজুত নাই বুলি কোৱাত ক্ষুব্ধ হৈ পৰে কৃষক সকল ৷ অতি শীঘ্ৰে চৰহা পোকৰ নিয়ন্ত্ৰণৰ বাবে বিহিত ব্যৱস্থা গ্ৰহণ কৰিবলৈ চৰকাৰক আহ্বান জনাইছে কৃষক সকলে ৷