শিৱসাগৰ, 26 জুন :আজি অৰ্থাৎ 26 জুন, আন্তৰ্জাতিক নিচাযুক্ত দ্ৰব্য সেৱন আৰু অবৈধ সৰবৰাহ বিৰোধী দিৱস(anti drugs day) ৷ ইফালে বিগত কিছুদিন ধৰি সমগ্ৰ অসমত আৰক্ষীয়ে বৰবিহ সদৃশ ড্ৰাগছৰ বিৰুদ্ধে ব্যাপক অভিযান চলাই আহিছে । ৰাইজৰ সহযোগত চলা এনে অভিযানৰ ফলত ড্ৰাগছ সৰবৰাহকাৰী চক্ৰসমূহ নিষ্ক্ৰিয় হৈ পৰিছে । এই দিৱসৰ লগত সংগতি ৰাখি শিৱসাগৰত নৱ উদিত সমাজ আৰু জয়সাগৰ আৰক্ষী চকীৰ উদ্যোগত ড্রাগছ বিৰোধী সজাগতামূলক অনুষ্ঠান পালন কৰা হয় ৷
সমাজৰ এচাম লোকক অন্ধকাৰ ভৱিষ্যতৰ দিশে ঠেলি দিয়া মাৰাত্মক ড্রাগছৰ বিৰুদ্ধে ৰাজ্যত এতিয়া সক্ৰিয় আৰক্ষী আৰু জনতা । ড্ৰাগছক পুলিয়ে-পোখাই উঘালি এখন ড্ৰাগছমুক্ত অসম গঢ়াৰ পণ শিৱসাগৰৰ আৰক্ষীৰ লগতে একাংশ সচেতন লোকৰ । আজি ড্ৰাগছ বিৰোধী দিৱসৰ দিনা নৱ উদিত সমাজে আৰক্ষীৰ সৈতে লগ হৈ এক ড্ৰাগছ বিৰোধী কাৰ্যসূচী ৰূপায়ণ কৰে ।
স্বেচ্ছাসেৱী সংগঠন আৰু আৰক্ষীৰ উদ্যোগত ড্ৰাগছ বিৰোধী দিৱস উদযাপন