প্ৰদেশ কংগ্ৰেছৰ প্ৰাক্তন সভাপতি অঞ্জন দত্তৰ তৃতীয় মৃত্যুবাৰ্ষিকী পালন

দেওবাৰে অসম প্ৰদেশ কংগ্ৰেছৰ প্ৰাক্তন সভাপতি তথা আমগুৰি সমষ্টিৰ প্ৰাক্তন বিধায়ক অঞ্জন দত্তৰ তৃতীয় মৃত্যুবাৰ্ষিকী পালন কৰা হয় ৷

আমগুৰি, ১৬ জুন: অসম প্ৰদেশ কংগ্ৰেছৰ প্ৰয়াত সভাপতি তথা আমগুৰি সমষ্টিৰ প্ৰাক্তন বিধায়ক অঞ্জন দত্তৰ দেওবাৰে তৃতীয় মৃত্যুবাৰ্ষিকী । গৌৰীসাগৰৰ কংগ্ৰেছ ৰাজীৱ ভৱনত অঞ্জন দত্তৰ সমাধিস্থলত শ্ৰদ্ধাঞ্জলি অনুষ্ঠানৰ আয়োজন কৰে কংগ্ৰেছে । আমগুৰি আৰু গৌৰীসাগৰ নগৰ মণ্ডল কংগ্ৰেছ কমিতিৰ উদ্যোগত অনুষ্ঠিত শ্ৰদ্ধাঞ্জলি অনুষ্ঠানত প্ৰয়াত অঞ্জন দত্তৰ কন্যা অংকিতা দত্ত, আমগুৰি নগৰ মণ্ডলৰ পুৰুজিত মহন্ত, শৰত গগৈ, নন্দেশ্বৰ দুৱৰাকে ধৰি যুৱ কংগ্ৰেছ, মহিলা কংগ্ৰেছ সেৱাদলৰ বিষয়ববীয়াসকল উপস্থিত থাকে । মৃত্যুবাৰ্ষিকীৰ লগত সংগতি ৰাখি গৌৰীসাগৰৰ কংগ্ৰেছৰ ৰাজীৱ ভৱনত নাম-প্ৰসংগও আয়োজন কৰা হয় ।