আমগুৰি, ১০ জানুৱাৰী : সমাগত অসমীয়াৰ হেপাঁহৰ ভোগালী বিহু (Bhogali bihu preparation in Assam) ৷ বাপতি সাহোন বিহুটি উদযাপনৰ দিন চমু চাপি অহাৰ লগে লগে ৰাজ্যৰ প্ৰতিগৰাকী অসমীয়াৰ মনত বৈছে উছাহৰ ঢল ৷ ৰাজ্যৰ প্ৰান্তে প্ৰান্তে ইয়াকে লৈ চলিছে ব্যাপক প্ৰস্তুতি ৷
পুহ আৰু মাঘ মাহৰ সংক্ৰান্তিত অসমীয়াবাসীয়ে পালন কৰি অহা ভোগৰ উৎসৱ ভোগালী বিহুক লৈ ৰাজ্যত এতিয়া চলিছে ব্যাপক প্ৰস্তুতি । ভোগালী বিহুটিক আদৰিবৰ বাবে প্ৰত্যেক গৰাকী অসমীয়াই সাজু হৈ উঠা দেখিবলৈ পোৱা গৈছে । ভোগৰ এসাঁজ লগে-ভাগে খোৱাৰ বাবে গঞা ৰাইজে সাজি উলিওৱা ভেলাঘৰ সজাৰো এক অঘোষিত প্ৰতিযোগিতা ৰাজ্যৰ প্ৰান্তে প্ৰান্তে চলা দেখিবলৈ পোৱা গৈছে (Bhogali bihu preparation at Amguri)।
পৰম্পৰা আৰু ঐতিহ্য ধৰি ৰখাৰ সমান্তৰালকৈ গাঁৱৰ পথাৰে পথাৰে ব্যতিক্ৰমী, আকৰ্ষণীয় ৰূপত ভেলাঘৰ সৃষ্টিৰে চমক সৃষ্টি কৰাৰ এক অঘোষিত প্ৰতিযোগিতা চলা পৰিলক্ষিত হৈছে । ইয়াৰ সমান্তৰালভাৱে ব্যৱসায়ীসকলেও নিজৰ ব্যৱসায়িক লাভালাভৰ উদ্দেশ্যৰে সাজু কৰি তোলা দেখিবলৈ পোৱা গৈছে নিজৰ ব্যৱসায় ৷ আমগুৰিৰ দিকচু কাকতি গাঁৱৰ উদ্যোগী প্ৰণামিকা কাকতিয়ে ভোগালীৰ প্ৰাকক্ষণত হাঁহৰ বজাৰ দখল কৰাৰ লক্ষ্যৰে সাজু কৰি তুলিছে ৬০০ পাতিহাঁহ (An enterprising woman preparing 600 ducks) ৷
আমগুৰিৰ এই গৰাকী উদ্যোগী মহিলাই ভোগালীৰ বজাৰখন তথা বিহুৰ সময়ত লাভ আদায়ৰ স্বাৰ্থত বিগত প্ৰায় দুটামাহ ধৰি প্ৰতিপালন কৰি নোদোকা কৰি তুলিছিল ৬০০ পাতিহাঁহ । উল্লেখ্য যে, উদ্যোগী মহিলা প্ৰণামিকা কাকতিৰ আছে নিজাকৈ এখন ফাৰ্ম ৷ ক’ৰ’ণাকালীন সময়ছোৱাত পৰিয়াল পোহপাল দিয়াত সমস্যাই দেখা দিয়াত উদ্যোগী মহিলাগৰাকীয়ে আৰম্ভ কৰিছিল ফাৰ্মখন (Magh bihu celebration in Assam) ৷