চৰাইদেউৰ মৈদামক বিশ্ব ঐতিহ্য ক্ষেত্ৰ হিচাপে দেখা সপোনত চেঁচাপানী

চৰাইদেউ মৈদামক বিশ্ব ঐতিহ্য হিচাপে স্বীকৃতি প্ৰদানৰ সপোন সপোন হৈয়ে ৰ'ব (World heritage recognition) । চৰাইদেউৰ মৈদামক বিশ্ব ঐতিহ্য ক্ষেত্ৰ হিচাপে দেখা সপোনত চেঁচাপানী । এই গুৰুতৰ তথ্য সদৰি কৰিছে চৰাইদেউ মৈদাম সীমা নিৰ্ধাৰণ কমিটীয়ে ।

শিৱসাগৰ, ২৯ মাৰ্চ:চৰাইদেউ মৈদামক বিশ্ব ঐতিহ্য হিচাপে স্বীকৃতি প্ৰদানৰ সপোন সপোন হৈয়ে ৰ'ব । চৰাইদেউৰ মৈদামক বিশ্ব ঐতিহ্য ক্ষেত্ৰ হিচাপে দেখা সপোনত চেঁচাপানী ।এই গুৰুতৰ তথ্য সদৰি কৰিছে চৰাইদেউ মৈদাম সীমা নিৰ্ধাৰণ কমিটীয়ে । শিৱসাগৰৰ অডিঅ' চিটি কনফাৰেন্স হলত এক সংবাদমেল যোগে মংগলবাৰে এই শংকা প্ৰকাশ কৰে কমিটিৰ সভাপতি ড° জীতেন বৰপাত্ৰগোঁহাই আৰু সদস্য ড° জাকিৰুল আলমে (Allegation of conspiracy to deprive Charaideo Maidam)।‌

চৰাইদেউ মৈদাম সীমা নিৰ্ধাৰণ কমিটীয়ে উল্লেখ কৰা অনুসৰি, চুকাফাৰ সৈতে তাই খামটিলৈকে মুঠ ৭ জন ৰজাই ১৩৭ বছৰ ৰাজত্ব কৰিছিল । কিন্তু বিশ্ব ঐতিহ্যৰ স্বীকৃতিৰ বাবে জনোৱা আবেদনৰ লগত যি প্ৰামাণিক তথ্য দিয়া হৈছে তাত এই ৭ জন ৰজাৰ মৈদাম অন্তৰ্ভুক্ত হোৱা নাই ।

কেৱল ইমানেই নহয়, গড়গাঁৱত ৰাজধানী থকাৰ কালত সেই সময়ৰ ৰজাসকলৰ বেছি সংখ্যক ৰজাৰ মৈদাম DOSSIERত উল্লেখ নাই । চাওলুং চুকাফাৰ মৈদামেই অন্তৰ্ভুক্ত হোৱা নাই । অসম চৰকাৰৰ প্ৰত্নতাত্বিক বিভাগে কৰা নাই অন্তৰ্ভুক্ত । এনেদৰে অধিকাংশ ৰজাৰ মৈদাম DOSSIERত অন্তৰ্ভুক্ত নোহোৱাৰ বাবেই চৰাইদেউ বিশ্ব ঐতিহ্যৰ তালিকাত অন্তৰ্ভুক্ত হোৱাৰ আশা নিৰ্বাপিত হ'বলৈ ধৰিছে বুলি ক্ষোভ প্ৰকাশ কৰে সংবাদমেলত (World heritage recognition) ।

চৰাইদেউক বিশ্ব ঐতিহ্যৰ স্বীকৃতিৰ পৰা বঞ্চিত কৰিবলৈ এটা চক্ৰই ষড়যন্ত্ৰ কৰা বাবেই মৈদাম অধ্যয়নৰ এক্সপাৰ্ট সকলক বৰ্তমান জৰীপ আৰু আলোচনা কালত এলাগী কৰা হৈছে বুলি সংবাদমেলত অভিযোগ উত্থাপন কৰে ।

লগতে পঢ়ক:etv comment image বিদ্যালয়ত সোমাল চোৰ: বাচি নগ’ল ছাত্ৰ-ছাত্ৰীৰ মধ্যাহ্ন ভোজনৰ সামগ্ৰীও