শিৱসাগৰ, ২ মাৰ্চ: মঙলবাৰে শিৱসাগৰত প্ৰতিবাদী কাৰ্যসূচী ৰূপায়ণ কৰে অসম জাতীয় পৰিষদৰ শিৱসাগৰ জিলা সমিতিয়ে । অসম জাতীয় পৰিষদৰ সভাপতি লুৰিণজ্যোতি গগৈক নলবাৰী জিলাৰ বৰক্ষেত্ৰী সমষ্টিৰ কালাগদৌলাত বিজেপি কৰ্মীয়ে আক্ৰমণ কৰা ঘটনাৰ প্ৰতিবাদত মঙলবাৰে বিক্ষোভ প্ৰদৰ্শন কৰে দলৰ কৰ্মকৰ্তাসকলে । এই কাৰ্যসূচীত দলটোৰ শিৱসাগৰ জিলাৰ সকলো সমিতিৰ কৰ্মীয়ে অংশগ্ৰহণ কৰে ।
শিৱসাগৰত অসম জাতীয় পৰিষদৰ কৰ্মকৰ্তাৰ বিক্ষোভ প্ৰদৰ্শন
বৰক্ষেত্ৰী সমষ্টিৰ বিজেপি দলৰ বিধায়ক নাৰায়ণ ডেকাৰ পৃষ্ঠপোষকতাতে দলৰ সভাপতিগৰাকীক আক্ৰমণ কৰা বুলি প্ৰতিবাদকাৰীসকলে অভিযোগ উত্থাপন কৰে । লগতে দোষীৰ বিৰুদ্ধে বিহিত ব্যৱস্থা গ্ৰহণ কৰিবলৈ দাবী জনায় ।