শিৱসাগৰত পথ দুৰ্ঘটনাত থিতাতে নিহত এজন

শিৱসাগৰ জিলাৰ চেৰেকাপাৰত এক ভয়ংকৰ পথ দুৰ্ঘটনা সংঘটিত। থিতাতে নিহত এজন, সংকটজনক অৱস্থাত আন এজনক চিকিৎসালয়ত ভৰ্তি।

শিৱসাগৰ, 20 নৱেম্বৰঃবৃহস্পতিবাৰেশিৱসাগৰ জিলাৰ চেৰেকাপাৰত ডাম্পাৰ আৰু স্কুটিৰ মাজত এক ভয়ংকৰ পথ দুৰ্ঘটনা সংঘটিত হয় । শিৱসাগৰ অভিমুখে আহি থকা দুজন স্কুটি আৰোহী ক্ৰমে বাসু ওৰাং আৰু ৰাজ ওৰাঙৰ সৈতে AS-04AC9807 নম্বৰৰ এখন ডাম্পাৰৰ মুখামুখি সংঘৰ্ষ হয় ।

সংঘৰ্ষৰ ফলত বাসু ওৰাং নামৰ যুৱকজন থিতাতে নিহত হয় আৰু আনজনক সংকটজনক অৱস্থাত উন্নত চিকিৎসাৰ বাবে ডিব্ৰুগড় অসামৰিক চিকিৎসালয়লৈ প্ৰেৰণ কৰা হয় বুলি জানিব পৰা গৈছে । আনহাতে, AS-04U1082 নম্বৰৰ স্কুটি খনত খুন্দা মৰা ডাম্পাৰখনৰ চালক আৰু হেণ্ডিমেনক স্থানীয় চেৰেকাপাৰ আৰক্ষীয়ে আটক কৰি তদন্ত অব্যাহত ৰাখিছে ।

লগতে পঢ়কঃঅনাময় আঁচনীয়ে ঢুকি নোপোৱা নগাঁৱৰ এখন গাঁও