'কেৱল ভোটবেংকৰ বাবেই চাহ শ্ৰমিক সকলক ব্যৱহাৰ কৰি আহিছে চৰকাৰে'

'কেৱল ভোটবেংকৰ বাবেই চাহ শ্ৰমিক সকলক ব্যৱহাৰ কৰি আহিছে চৰকাৰে'৷ ২১ ৰ নিৰ্বাচনত বৰ্তমানৰ চৰকাৰক ইয়াৰ প্ৰত্যুত্তৰ দিব চাহ শ্ৰমিকসকলে ৷

আমগুৰি,১৪ ছেপ্টেম্বৰ: 'কেৱল ভোটবেংকৰ বাবেই চাহ শ্ৰমিক সকলক ব্যৱহাৰ কৰি আহিছে চৰকাৰে' ৷ চৰকাৰৰ বিৰুদ্ধে এই অভিযোগ উত্থাপন কৰিছে অসম চাহ জনজাতি ছাত্ৰ সন্থাই ৷

দেশৰ অৰ্থনীতিলৈ বৃহৎ বৰঙণি আগবঢ়োৱা চাহ শ্ৰমিক সকলে বিগত কিছুদিন ধৰি দৈনিক মজুৰি বৃদ্ধিৰ বাবে বিভিন্ন প্ৰতিবাদী কাৰ্যসূচী ৰূপায়ন কৰি আহিছে ৷ সোমবাৰে পুনৰ শিৱসাগৰৰ নামতিত চাহ শ্ৰমিকসকলে এক প্ৰতিবাদী কাৰ্যসূচী ৰূপায়ন কৰে ৷ এই প্ৰতিবাদী কাৰ্যসূচীত বৰচিলা চাহ বাগিছাৰ শ্ৰমিক সকলে বিজেপি গ' বেক, সঞ্জয় কৃষাণ গ' বেক, শ্ৰম মন্ত্ৰী হুচিয়াৰ, আদি শ্ল'গানেৰে পৰিৱেশ উত্তাল কৰি তোলে ৷ উল্লেখ্য যে, শ্ৰমিক সকলৰ দৈনিক মজুৰি ৩৫১ টকালৈ বৃদ্ধিৰ দাবী জনাই এই সংগঠনটোৱে দুঘণ্টীয়া ধৰ্ণা কাৰ্যসূচী পালন কৰে । ইয়াৰ উপৰি অতি সোনকালে তেওঁলোকৰ সমস্যা সমূহ সামাধান নহ'লে ২১ ৰ নিৰ্বাচনত বৰ্তমানৰ চৰকাৰক ইয়াৰ প্ৰত্যুত্তৰ দিব বুলিও সকীয়াই দিয়ে প্ৰতিবাদকাৰীসকলে ৷

লগতে পঢ়ক :সাংবাদিকক চোকা অস্ত্ৰৰে আক্ৰমণ কৰিলে আৰক্ষী জোৱানে