মৃত গাহৰিক সন্মুখত লৈ আমগুৰিত অভিনৱ প্ৰতিবাদ

আমগুৰি পশু চিকিৎসালয়ৰ সন্মুখত একাংশ লোকৰ প্ৰতিবাদ ৷ মৃত গাহৰিক সন্মুখত লৈ একাংশ গাহৰি পালকৰ লগতে কেইবাটাও সংগঠনে সাব্যস্ত কৰিলে প্ৰতিবাদ ৷

আমগুৰি, 7 মে' : বৃহস্পতিবাৰে আমগুৰিৰ বৰাহীবাৰী ৰাজ্যিক পশু চিকিৎসালয়ৰ সন্মুখত গাহৰি পালকৰ লগতে কেইবাটাও সংগঠনে প্ৰতিবাদ সাব্যস্ত কৰে ৷ মৃত গাহৰিক সন্মুখত লৈ চিকিৎসালয়খনৰ চৌহদত সামাজিক দূৰত্ব বজাই প্ৰতিবাদ সাব্যস্ত কৰে প্ৰতিবাদকাৰীয়ে ৷

প্ৰতিবাদকাৰীৰ ভাষ্য অনুসৰি, চিকিৎসালয়খনৰ অন্তৰ্গত অঞ্চলসমূহত প্ৰায় 1100 গাহৰি আফ্ৰিকান ছোৱাইন ফিভাৰত আক্ৰান্ত হৈছিল ৷ আক্ৰান্ত হোৱা গাহৰি সমূহক বৰাহীবাৰী ৰাজ্যিক পশু চিকিৎসালয়ৰ চিকিৎসক ডাঃ ইন্দু বৰাই ছোৱাইন ফিভাৰৰ ভেকচিনৰ সলনি ফিটা পেলুৰ ভেকচিন দিয়ে ৷ ফলত অঞ্চলটোত অৰ্ধ শতাধিক গাহৰি মৃত্যু মুখত পৰা বুলি গাহৰি পালক সকলে দাবী জনাই ৷ পৰিপ্ৰেক্ষিতত গাহৰি পালক সকলে ক্ষতিপূৰণ বিচাৰি চিকিৎসালয়খনৰ চৌহদত এনেদৰে প্ৰতিবাদ সাব্যস্ত কৰে ৷

আনকি ছাত্ৰ মুক্তি সংগ্ৰাম সমিতি আৰু সদৌ টাই আহোম ছাত্ৰ সন্থাইয়ো উক্ত বিষয় সন্দৰ্ভত মন্ত্ৰী অতুল বৰাৰ হস্তক্ষেপত এক উচ্চস্তৰীয় তদন্ত বিচাৰি চিকিৎসক গৰাকীৰ বিৰুদ্ধে উপযুক্ত ব্যৱস্থা ল'বলৈ আহ্বান জনায় ৷

লগতে পঢ়ক : NHMৰ মুখ্য কাৰ্যালয়ৰ পৰা মন্ত্ৰী হিমন্ত বিশ্ব শৰ্মাৰ সংবাদমেল