শিৱসাগৰৰ হালোৱাটিঙত সংঘটিত চাঞ্চল্যকৰ ঘটনা

শিৱসাগৰ জিলাৰ অসম-নাগালেণ্ড সীমান্তৱৰ্ত্তী হালোৱাটিংত সংঘটিত হৈছে চাঞ্চল্যকৰ ঘটনা ৷ বনকৰা কিশোৰীক অশ্লীল ব্যৱহাৰৰ অভিযোগ উত্থাপিত হৈছে হালোৱাটিং আৰক্ষী থানাৰ অন্তৰ্গত বৰছিলা বাগিচাৰ ফেক্টৰী মেনেজাৰৰ বিৰুদ্ধে

আমগুৰি ২৭ ছেপ্টেম্বৰঃ শিৱসাগৰ জিলাৰ অসম নাগালেণ্ড সীমান্তৱৰ্ত্তী হালোৱাটিংত সংঘটিত হৈছে চাঞ্চল্যকৰ ঘটনা ৷ বনকৰা কিশোৰীক অশ্লীল ব্যৱহাৰৰ অভিযোগ উত্থাপিত হৈছে হালোৱাটিং আৰক্ষী থানাৰ অন্তৰ্গত বৰছিলা বাগিচাৰ ফেক্টৰী মেনেজাৰৰ বিৰুদ্ধে ৷
উল্লেখযোগ্য যে, যোৱা ২১ ছেপ্টেম্বৰৰ দিনা বনকৰা কিশোৰীগৰাকীক অশ্লীল ব্যৱহাৰ কৰে বাগিচাৰ ফেক্টৰী মেনেজাৰ ৰতন তাঁতীয়ে ৷ কিশোৰীগৰাকীৰ ঘৰ বামুনপুখুৰী চাহ বাগিচাত বুলি জানিব পৰা গৈছে ৷ ঘটনাৰ পিছতে বৰছিলা বাগিচাৰ একাংশ প্ৰতিক্ৰিয়াশীল চক্ৰই ঘটনাটো গাপ দিবলৈ চেষ্টা কৰিছিল যদিও আটছা আৰু আছাই পৃথকে পৃথকে আমগুৰি ৰাজহ চক্ৰ বিষয়া আৰু হালোৱাটিং আৰক্ষী থানাত স্মাৰক পত্ৰ প্ৰদান কৰে ৷

শুকুৰবাৰে কিশোৰীগৰাকীৰ মাতৃয়ে হালোৱাটিং আৰক্ষী থানাত একন এজাহাৰ দাখিল কৰে ৷ ইতিমধ্যে হালোৱাটিং আৰক্ষীয়ে ৩৩/১৯ নম্বৰৰ গোচৰ ৰুজু কৰি বাগিচাৰ ফেক্টৰী মেনেজাৰ ৰতন তাঁতীক ন্যায়িক জিম্মালৈ প্ৰেৰণ কৰিছে ৷