দিখৌমুখত বানৰ সংহাৰী ৰূপঃ জলমগ্ন 10 খনৰো অধিক গাওঁ

আমগুৰি সমষ্টিৰ আলিমূৰ,বৰগাঁও,পুৰণিগুডাম, তেলিয়াডোঙা, ৰূপহীমুখ মিছিং গাঁও,ৰূপহীমুখ কুমাৰ গাঁও,স'ৰাগুৰি চাপৰিৰ বিস্তীৰ্ণ অঞ্চল ইতিমধ্যে বানৰ কবলত ৷ ইয়াৰ মাজতে, শিৱসাগৰ জিলা সদৌ অসম ছাত্ৰ সন্থাৰ এটি দলে বানবিধ্বস্ত অঞ্চলসমূহ পৰিদৰ্শন কৰে ৷

আমগুৰি,12 জুলাইঃ আমগুৰি সমষ্টিৰ দিখৌমুখত বানে ধাৰণ কৰিছে সংহাৰী ৰূপ ৷ ব্ৰহ্মপুত্ৰৰ বাঢ়নি পানীয়ে ইতিমধ্যে বুৰাই পেলাইছে ১০ খনৰো অধিক গাঁও । ফলত বিচ্ছিন্ন হৈ পৰিছে দিখৌমুখ আলিমূৰ আৰু ৰূপহীমুখৰ সংযোগ ৷

উল্লেখ্য যে, প্ৰতিবছৰে বিভীষিকা চলোৱা বান প্ৰতিৰোধৰ বাবে চৰকাৰে কোনো উপযুক্ত ব্যৱস্থা নোলোৱাৰ বাবে আলিমূৰ, বৰগাঁও, পুৰণিগুডাম, তেলিয়াডোঙা, ৰূপহীমুখ মিছিং গাঁও,ৰূপহীমুখ কুমাৰ গাঁও,স'ৰাগুৰি চাপৰিৰ বিস্তীৰ্ণ অঞ্চল বুৰ গৈছে পানীৰ তলত ৷ ইয়াৰ মাজতে, শিৱসাগৰ জিলা সদৌ অসম ছাত্ৰ সন্থাৰ এটি দলে বানবিধ্বস্ত অঞ্চলসমূহ পৰিদৰ্শন কৰি চৰকাৰক বানপানী প্ৰতিৰোধৰ ব্যৱস্থা গ্ৰহণৰ বাবে দাবী উত্থাপন কৰে ৷

লগতে পঢ়ক- গোৰেশ্বৰৰ নাওকাটাত বানৰ বিভীষিকা