শিৱসাগৰত 5 বছৰীয়া শিশুৰ মৃতদেহ উদ্ধাৰ

শিৱসাগৰৰ হলগুৰিত ৰহস্যজনকভাৱে উদ্ধাৰ 5 বছৰীয়া ত্ৰিদিশা নাথৰ মৃতদেহ ৷ কোনে, কিয় হত্যা কৰিলে ত্ৰিদিশাক সেই সন্দৰ্ভত আৰক্ষীয়ে লাভ কৰা নাই কোনো তথ্য ৷ সন্দেহজনকভাৱে নিৰুদ্দেশ হৈ আছে মাতৃ জোনালী নাথ ৷

শিৱসাগৰ, 6 জুন :শিৱসাগৰৰ জয়সাগৰ আৰক্ষী চকীৰ অন্তৰ্গত হলগুৰিত অঘটন । দেওবাৰে পুৱাৰ ভাগত ৰহস্যজনকভাৱে এটা পুখুৰীত উদ্ধাৰ হৈছে এটি 5 বছৰীয়া কন্যা শিশুৰ মৃতদেহ ৷ মৃত কন্যা শিশুটি মধু নাথৰ জীয়ৰী ত্ৰিদিশা নাথ বুলি চিনাক্ত কৰা হৈছে ৷ সন্দেহজনকভাৱে নিৰুদ্দেশ হৈ আছে শিশুটিৰ মাতৃ জোনালী নাথ ৷

প্ৰাপ্ত তথ্য অনুসৰি, দেওবাৰে পুৱাৰ ভাগত মৃত ত্ৰিদিশা নাথৰ আইতাকে শুই উঠি পুখুৰীত গা ধুৱলৈ যোৱাৰ সময়তে পুখুৰীত ওপঙি থকা অৱস্থাত প্ৰত্যক্ষ কৰে শিশুটিৰ মৃতদেহ ৷ তাৰ পাচতেই অঞ্চলটোত সৃষ্টি হয় হুৱাদুৱা পৰিস্থিতিৰ ৷ ইফালে পুখুৰীৰ পাৰৰ দলঙত উদ্ধাৰ কৰা হৈছে মাতৃ জোনালী নাথৰ চেণ্ডেল ৷

পৰিয়ালৰ লোকৰ অভিযোগ, মৃত শিশুটিক হত্যা কৰি পুখুৰীত পেলাই দিছে মাতৃয়ে ৷ কিন্তু ৰহস্যজনকভাৱে যোৱা নিশাৰ পৰাই সন্ধানহীন হৈ আছে মাতৃ জোনালী নাথ ৷

ইতিমধ্যে ঘটনাস্থলীত উপস্থিত হৈছে আৰক্ষী ৷ আৰম্ভ কৰিছে তদন্ত ৷ আৰক্ষীয়ে ত্ৰিদিশা নাথৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে ৷

লগতে পঢ়ক:কাৰ্বি লাংপি জলবিদ্যুত প্ৰকল্পত কৰ্মৰত জোৱান নিৰুদ্দেশ