শিৱসাগৰ, 14 মে’: জৰুৰীকালীন চিকিৎসা সেৱাৰ ক্ষেত্ৰত গুৰুত্বপূৰ্ণ ভূমিকা পালন কৰি আহিছে ১০৮ এম্বুলেন্সৰ কৰ্মচাৰী সকলে । কিন্তু এই সকল ক’ভিড যোদ্ধাই নিৰ্দিষ্ট কোম্পানীৰ হেমাহিৰ বাবেই সময়মতে লাভ নকৰে দৰমহা ।
ইয়াৰ পৰিপ্ৰেক্ষিতত শুকুৰবাৰে শিৱসাগৰতো 108 এম্বুলেঞ্চ সেৱাৰ কৰ্মচাৰী সকলে দৰমহা সময়মতে আদায় দিয়াৰ দাবীত ক'লা বেজ পৰিধান কৰি প্ৰতিবাদ সাব্যস্ত কৰে । কৰ্তব্য সম্পাদন কৰাৰ মাজতে নিদিষ্ট দূৰত্ব বজাই ৰাখি শিৱসাগৰ যুটীয়া স্বাস্থ্য সঞ্চালকৰ কাৰ্যালয়ৰ চৌহদৰ সমীপত ক'লা বেজ পৰিধান কৰি কৰ্মচাৰী সকলে সময়মতে দৰমহা আদায় দিয়াৰ দাবী উত্থাপন কৰে ।
১০৮ এম্বুলেঞ্চ সেৱাৰ কৰ্মচাৰীৰ প্ৰতিবাদ
দৰমহা সময়মতে আদায় নিদিয়াৰ ফলত প্ৰতিমাহে গুৰুতৰ সমস্যাৰ সন্মুখীন হৈ অহা বুলিও প্ৰতিক্ৰিয়া প্ৰকাশ কৰে 108 সেৱাৰ কৰ্মচাৰী সকলে । আজি পৱিত্ৰ ঈদ-উল-ফিটৰৰ দিনা এনে প্ৰতিবাদে বিশেষ তাৎপৰ্য বহন কৰিছে ।