নলবৰীত হাজাৰ-হাজাৰ অনুৰাগীৰ মাজত বিলিন হ'ল জুবিন গাৰ্গ

নগাঁৱৰ পাছত নলবাৰী মহাবিদ্যালয়ত জুবিন গাৰ্গে চলালে কাঞ্চনজংঘাৰ প্ৰচাৰ‌

নলবাৰী,23 আগষ্টঃঅনুৰাগীৰ বহু প্ৰত্যাশিত ছবি কাঞ্চনজংঘাৰ প্ৰচাৰৰ বাবে যুৱ প্ৰজন্মৰ হাৰ্থথ্ৰ'ৱ জুবিন গাৰ্গ উপস্থিত হল নলবাৰী মহাবিদ্যালয় খেলপথাৰত। উল্লেখযোগ্য যে ,৬ ছেপ্টেম্বৰত মুক্তি পাবলগীয়া চলচ্চিত্ৰ কাঞ্চনজংঘাৰ বাবে উজনি নামনি চৌদিশে মাৰাথান প্ৰচাৰ চলাইছে শিল্পী গৰাকীয়ে ৷ নলবাৰী মহাবিদ্যালয়ৰ ছাত্র একতা সভাৰ তৰফৰ পৰা উষ্ম আদৰণি জনাই শিল্পী গৰাকীক।

প্ৰচাৰ অভিযানত জুবিনৰ লগত পত্নী গৰিমা গাৰ্গৰ লগতে উপস্থিত থাকে শশাংক সমীৰ।নলবাৰীৰ হাজাৰ হাজাৰ ছাত্ৰ-ছাত্ৰীৰ মাজত থাকি কাঞ্চনজংঘাৰ সংলাপ জুৰিলে জুবিন গাৰ্গে লগতে গালে কাঞ্চনজংঘাৰ জনপ্ৰিয় গীত 'ধূলিকণা' । ভাষণ প্ৰসংগত জুবিন গাৰ্গে পুনৰ চিনেমা বনাব বুলিও উল্লেখ কৰে । নলবাৰী চিনেমা হলটো বন্ধ হোৱাৰ বাবে দুখ প্ৰকাশ কৰি সকলোকে লগ লাগি চিনেমা হলটো খোলাৰ বাবে অনুৰোধ কৰিলে জনপ্ৰিয় শিল্পীগৰাকীয়ে ৷