নলবাৰীত সম্পন্ন "উদ্ভাৱনা ২০১৯" শীৰ্ষক বিজ্ঞান আৰ্হিৰ প্ৰদৰ্শনী

"উদ্ভাৱনা ২০১৯" শীৰ্ষক বিজ্ঞানৰ আৰ্হিৰ প্ৰদৰ্শনীত প্ৰদৰ্শন 30 টাকৈ বিজ্ঞানৰ আৰ্হি ৷ অংশগ্ৰহণ 30 খনতকৈও অধিক শিক্ষানুষ্ঠাৰ ছাত্ৰ-ছাত্ৰীৰ ৷

নলবাৰী,11 মে' : ছাত্ৰ-ছাত্ৰীৰ বিজ্ঞান সূলভ মনটোক উলিয়াই অনাৰ স্বাৰ্থতে নলবাৰীত আয়োজন উদ্ভাৱনা ২০১৯ শীৰ্ষক বিজ্ঞানৰ মনোৰম অনুষ্ঠানৰ ৷ অসম বিজ্ঞান সমিতিৰ সহযোগত বৰভাগ মহাবিদ্যালয় আৰু গিৰিজানন্দ চৌধুৰী ইনষ্টিটিউট অফ মেনেজমেণ্ট এণ্ড টেকনলজিৰ যুটীয়া উদ্যোগত শনিবাৰে নলবাৰীৰ শংকৰদেৱ একাডেমীত আয়োজন কৰা হয় উদ্ভাৱনা ২০১৯ শীৰ্ষক বিজ্ঞানৰ আৰ্হিৰ প্ৰদৰ্শনীৰ। শংকৰদেৱ একাডেমী সমন্বয়ক শৈলেন্দ্ৰ প্ৰসাদ শৰ্মাই শুভাৰম্ভ কৰা উক্ত অনুষ্ঠানত জিলাখনৰ 30 খনৰো অধিক শিক্ষা প্ৰতিষ্ঠানৰ শিক্ষাৰ্থীয়ে অংশগ্ৰহণ কৰাৰ লগতে 30তাত কৈও অধিক বিজ্ঞানৰ আৰ্হি প্ৰদৰ্শিত কৰা হয়। জিলা পৰ্যায়ত অনুষ্ঠিত হোৱা এই প্ৰতিযোগিতাৰ পৰা তিনিটা দলক নগদ ধন আৰু প্ৰমাণপত্ৰৰে পুৰস্কৃত কৰা হয় ৷ লগতে অহা ১৮ মে'ত গুৱাহাটীৰ গিৰিজানন্দ প্ৰতিষ্ঠানত হ'বলগা ৰাজ্যিক পৰ্যায়ৰ প্ৰতিযোগিতালৈ নিৰ্বাচিত কৰা হয় মুকালমুৱাৰ আদৰ্শ বিদ্যালয়ৰ ছাত্ৰ মাৰ্চিদুল আলম আৰু ফজল আখতাৰ আৰু শংকৰদেৱ শিশু নিকেটন নলবাৰীৰ জ্ঞানশ্ৰী কলিতা আৰু অংকিত বৰ্মনৰ দল দুটাক ৷

উক্ত অনুষ্ঠানত বৰভাগ মহাবিদ্যালয়ৰ পদাৰ্থ বিজ্ঞান বিভাগৰ মুৰব্বী অধ্যাপক মহানন্দ পাঠকৰ লগতে অসম বিজ্ঞান সমিতিৰ নলবাৰী জিলাৰ সমন্বয়ক প্ৰদীপ মহন্ত, গিৰিজানন্দ প্ৰতিষ্ঠানৰ নলবাৰীৰ সমন্বয়ক উৎপল বৰ্মন আৰু বিশিষ্ঠ সাহিত্যিক বিনয় কুমাৰ মজুমদাৰ উপস্থিত থাকে ৷