নলবাৰীৰ পৰা নিৰ্মূল হ’ব পথ দূৰ্ঘটনা: সীমান্ত বৰা

ৰাষ্ট্ৰীয় ঘাইপথ পৰিবহণ প্ৰাধিকৰণ বিভাগৰ কেন্দ্ৰীয় পৰ্যবেক্ষকৰ এটি দলে বৃহস্পতিবাৰে নলবাৰীত উপস্থিত হৈ জিলাখনৰ সাম্ভাব্য দুৰ্ঘটনাগ্ৰস্ত ঠাইসমূহ পৰিদৰ্শন কৰে ৷ উপযুক্ত নিয়ন্ত্ৰণ ব্যৱস্থা আৰু কিছুলোকৰ অ-সচেতনতাৰ ফলত জিলাখনত সঘনে হোৱা দুৰ্ঘটনা ৰোধৰ বাবে সংস্থাসমূহে কেনেদৰে পদক্ষেপ ল’ব পাৰে সেই সম্পৰ্কত আলোচনা কৰে ৷

নলবাৰী, 24 জুন : বৃহস্পতিবাৰে নলবাৰী জিলাত উপস্থিত হয় ৰাষ্ট্ৰীয় ঘাইপথ পৰিবহণ প্ৰাধিকৰণ বিভাগৰ কেন্দ্ৰীয় পৰ্যবেক্ষকৰ এটি দল ৷ এই দলটিয়ে নলবাৰী জিলাৰ পথ পৰিবহণ বিষয়া সীমান্ত বৰাৰ লগতে কৰ্মচাৰীবৃন্দ আৰু বিভাগীয় প্ৰশিক্ষকসকলৰ সৈতে জিলাখনৰ সাম্ভাব্য দুৰ্ঘটনাগ্ৰস্ত ঠাইসমূহ পৰিদৰ্শন কৰে ৷ কেনেদৰে এই পথ দুৰ্ঘটনাসমূহ ৰোধ কৰিব পাৰে, সেই সম্পৰ্কে এক আলোচনাত মিলিত হয় দলটো ৷

উল্লেখযোগ্য যে, কিছুমান লোকৰ অ-সচেতনতা আৰু উপযুক্ত নিয়ন্ত্ৰণ ব্যৱস্থা নথকাৰ হেতুকে জিলাখনত সঘনে পথ দুৰ্ঘটনা হৈ থাকে । সেয়ে দুৰ্ঘটনা ৰোধৰ বাবে সাম্ভাব্য পথ দুৰ্ঘটনা সংস্থাসমূহে দুৰ্ঘটনা কেনেদৰে নিৰ্মূল কৰিব পাৰে সেই সম্পৰ্কত আলোচনা কৰে ৷ আনকি পথ দুৰ্ঘটনা নিৰ্মূল কৰিবলৈ পথৰ ব্যৱস্থা বা পথৰ ডিজাইন সন্দৰ্ভতো আলোচনা কৰে এই দলটোৱে ৷

দুৰ্ঘটনা ৰোধৰ বাবে সাম্ভাব্য পথ দুৰ্ঘটনা সংস্থাসমূহে দুৰ্ঘটনা নোহোৱাকৈ কিদৰে প্ৰতিৰোধ কৰিব পাৰি, লগতে ক্ৰছিং আৰু কেঁকুৰীসমূহত কেনেদৰে দুৰ্ঘটনা নোহোৱাকৈ এই পথসমূহ নিয়ন্ত্ৰণ কৰিব পাৰি সেই বিষয়ে পৰিদৰ্শন কৰে ৷

নলবাৰী-সন্ধা সংযোগী 31 নং ৰাষ্ট্ৰীয় ঘাইপথত উপস্থিত হৈ জিলা পৰিবহণ বিষয়াগৰাকীয়ে জানিবলৈ দিয়ে যে, কোনো মানুহে যাতে ভুল পথেৰে নাযায় তাৰ বাবে উপযুক্ত এটা পৰিকল্পনা যুগুত কৰিব ৷ লগতে সন্ধা-৩১নং ৰাষ্ট্ৰীয় ঘাইপথ সংযোগী পথত ট্ৰেফিকৰ ব্যৱস্থা কৰিব । নলবাৰী জিলাৰ কেইবাটাও ঠাইত উপস্থিত হৈ জনসাধাৰণক সাৱধান হৈ সঠিক পথেৰে যাতায়াত কৰিবলৈ আহ্বান জনাই জিলা পৰিবহণ বিষয়া সীমান্ত বৰাই ।

লগতে পঢ়ক:কলগাছিয়াত ব্ৰাউন চুগাৰসহ এজনক গ্ৰেপ্তাৰ