নলবাৰী 19 এপ্ৰিল: ক‘ৰণা ভাইৰাছৰ সংক্ৰমণ ৰোধ কৰাৰ বাবে চলি থকা লক ডাউনৰ সময়চোৱাত লোকচানৰ সম্মুখীন হৈছে বিখ্যাত জাঁপি শিল্পীসকল । এতিয়া বহাগৰ বতৰ এই সময়তে ঘৰতে আবদ্ধ হৈ থকা নলবাৰীৰ লগত জড়িত 40 টা পৰিয়ালৰ অৱস্থা শোচনীয় হৈ পৰিছে ।
দেওবাৰে এই শিল্পী সকলক সহায় কৰিবলৈ আগবাঢ়ি আহিল নলবাৰী আৰক্ষী। নলবাৰীৰ দিঘেলী অঞ্চলত নলবাৰী জিলাৰ অতিৰিক্ত আৰক্ষী অধীক্ষক আচিফ আহমেদ উপস্থিত হৈ শিল্পী সকলৰ মাজত চাউল দাইল,আলু ,পিয়াঁজ,চাবোন,তেল ইত্যাদি সামগ্ৰী সাহাৰ্য হিচাপে বিতৰণ কৰি সহায় কৰে । উল্লেখযোগ্য যে বিহুত জাঁপি বিক্ৰী কৰিব নোৱাৰাত এই সকল জাপি নিৰ্মাতাৰ জীৱনলৈ নামি আহিছে চৰম দুৰ্যোগ ।
লগতে পঢক ঃ লক ডাউনৰ বাবে প্ৰদূষণ হ্ৰাস পাইছে গুৱাহাটী মহানগৰীত