নলবাৰী, ১৫ এপ্ৰিল : ‘‘বিহুটি আদৰৰ, বিহুটি সাদৰৰ, বিহুটি আঁচলৰ ধন । এনেনো বিহুটি এৰিব লাগিলে, একোতে নবহে মন ।’’ ৰাজ্যৰ উজনিৰ পৰা নামনিলৈ সকলোতে মাথোঁ আনন্দৰ ঢল (Rongali bihu 2023) । উখল-মাখল পৰিৱেশ বিৰাজ কৰিছে সৰ্বত্ৰে । ব্যতিক্ৰম নহয় নলবাৰীও (Rangali Bihu of Assam) । নলবাৰীৰ শ্বহীদ ভৱনৰ বাকৰিতো আয়োজন কৰা হয় ৰঙালী বিহুৰ বৰ্ণাঢ্য় কাৰ্যসূচী । নলবাৰী আঞ্চলিক ছাত্ৰ সন্থা আৰু নলবাৰী নগৰ উন্নতি সভাৰ উদ্যোগত "নাচিব লাগিব ব’হাগ বিহু বুলি" শীৰ্ষক কাৰ্যসূচীৰে অনুষ্ঠিত কৰা হয় ৰঙালী বিহুৰ (Rangali Bihu celebrates at Shaheed Bhawan in Nalbari) ।
সেই উপলক্ষে শনিবাৰে পুৱাৰ ভাগত পতাকা উত্তোলনেৰে কাৰ্যসূচী আৰম্ভ কৰা হয় (Bihu celebration across Assam) । ছাত্ৰ সন্থাৰ পতাকা উত্তোলন কৰে নলবাৰী আঞ্চলিক ছাত্ৰ সন্থাৰ সভাপতি বিশাল বিক্ৰম চৌধুৰী, অসম উন্নতি সভাৰ পতাকা উত্তোলন কৰে নলবাৰী নগৰ উন্নতি সভাৰ সভাপতি ড° দীনমনি ভাগৱতীয়ে আৰু বিহুৰ পতাকা উত্তোলন কৰে বিশিষ্ট শিক্ষাবিদ ড° বীৰেন্দ্ৰ কুমাৰ ডেকাই । ইয়াৰ পিচতে শ্বহীদ তৰ্পন আৰু মাল্যাৰ্পণ কৰে ক্ৰমে সদৌ নলবাৰী জিলা ছাত্ৰ সন্থাৰ সভাপতি গুণজ্যোতি পাঠক আৰু সাধাৰণ সম্পাদক অক্ষয় ডেকাই ৷