কংগ্ৰেছে কৰে আধাৰশিলাৰ ৰাজনীতিঃ কুইন ওজা

গুৱাহাটী সমষ্টিৰ প্ৰাৰ্থী কুইন ওজাৰ নিৰ্বাচনী প্ৰচাৰ ৷ আধাৰশিলাৰ ৰাজনীতি কংগ্ৰেছেহে কৰে , বিজেপিয়ে উন্নয়নহে কৰে বুলি মন্তব্য কৰে প্ৰাৰ্থীগৰাকীয়ে ৷

নলবাৰী , 10 এপ্ৰিল : গুৱাহাটী সমষ্টিৰ প্ৰাৰ্থী কুইন ওজাৰ নলবাৰী জিলাৰ বৰক্ষেত্ৰী বিধান সভা সমষ্টিৰ বিভিন্ন ঠাইত নিৰ্বাচনী প্ৰচাৰ । বৰক্ষেত্ৰীৰ আদাবাৰীৰ পৰা মুকালমুৱা হৈ দৌলাশাললৈকে বিজেপিৰ বিশাল ৰেলী ।

উল্লেখযোগ্য যে , এই ৰেলীত বিজেপি প্ৰাৰ্থী কুইন ওজাৰ লগত সংগ দিয়ে বৰক্ষেত্ৰী সমষ্টিৰ বিজেপি বিধায়ক নাৰায়ন ডেকা আৰু বিজেপি দলৰ নেতা কৰ্মীসকলে । গুৱাহাটী সমষ্টিৰ প্ৰাৰ্থী কুইন ওজাই বৰক্ষেত্ৰী সমষ্টিত প্ৰচাৰ চলাই কয় যে, এইবাৰ কংগ্ৰেছক ৰাইজে বহ্মপুত্ৰ নদীত উতুৱাই দিব ৷ নৰেন্দ্ৰ মোডী আৰু সৰ্বানন্দক ৰাইজে আঁকোৱালি লৈছে আৰু অসমৰ ৰাইজে এইবাৰৰ নিৰ্বাচনত বিজেপিক বিপুল ভাৱে জয়যুক্ত কৰাব ৷ আজিৰ এই ৰেলীত প্ৰায় দহ হাজাৰ বিজেপি কৰ্মীয়ে অংশ গ্ৰহণ কৰে ৷ লগতে আদাবাৰী,লোহাৰকাঠা,শনিৰোড,মুকালমুৱা,বৰতলা,কাপলাবড়ী,হিদলাট্টাৰী,ৰামপুৰ হৈ দৌলাশাললৈ প্ৰচাৰ কৰে প্ৰাৰ্থীগৰাকীয়ে ।