নগাঁৱত ভাৰতীয় বীৰ শ্বহীদক শ্ৰদ্ধাঞ্জলি সাংসদ প্ৰদ্যুত বৰদলৈৰ

চীনে দিয়া ধমকৰ আমি উপযুক্ত প্ৰত্যুত্তৰ দিব লাগিব- নগাঁৱত ভাৰতীয় বীৰ শ্বহীদক শ্ৰদ্ধাঞ্জলি জ্ঞাপন কৰি এই মন্তব্য সাংসদ প্ৰদ্যুত বৰদলৈৰ ।

নগাঁও, 19 জুনঃ চীনা সৈন্যৰ হাতত শ্বহীদ হোৱা 20 গৰাকী ভাৰতীয় সেনাৰ বীৰ শ্বহীদলৈ নগাঁৱত শ্ৰদ্ধাঞ্জলি জ্ঞাপন কৰে সাংসদ প্ৰদ্যুৎ বৰদলৈয়ে ৷ "চীনৰ ধমকিৰ উপযুক্ত প্ৰত্যুত্তৰ আমি দিব লাগিব"-শুকুৰবাৰে নগাঁও কলেজ পইণ্টত কংগ্ৰেছ দলে আয়োজন কৰা শ্ৰদ্ধাঞ্জলি অনুষ্ঠানত অংশগ্ৰহণ কৰি নগাঁও লোকসভা সমষ্টিৰ কংগ্ৰেছী সাংসদ প্ৰদ্যুৎ বৰদলৈৰ এই মন্তব্য কৰে ৷ লগতে তেওঁ চীনৰ ওপৰত নিৰ্ভৰ কৰিব নলগাকৈ আত্মনিৰ্ভৰশীল হোৱাৰ প্ৰতি গুৰুত্ব দিব লাগিব বুলিও প্ৰকাশ কৰে ৷

উল্লেখ যে, 15 জুনৰ নিশা লাডাখৰ চীনা সীমান্তত ভাৰতীয় সেনা আৰু চীনা সেনাৰ মাজত হোৱা হতা হতিত 20 গৰাকী ভাৰতীয় সেনা শ্বহীদ হৈছিল ৷ সেই শ্বহীদ সকলৰ স্মৰণতে আজি নগাঁওত শ্ৰদ্ধাঞ্জলী অনুষ্ঠানটোৰ আয়োজন কৰা হৈছিল ৷ আনহাতে চীনৰ এই বৰ্বৰতাৰ পাচত সমগ্ৰ দেশতে চীনৰ বিৰুদ্ধে প্ৰতিবাদ হোৱাৰ লগতে বিভিন্ন লোক, সংগঠনে চীনা সামগ্ৰী বৰ্জনৰ বাবে আহ্বান জনাইছে ৷

লগতে পঢ়কঃকেনেকুৱা হ'ব বলয় গ্ৰাস সূৰ্যগ্ৰহণ ?