নলবাৰীত জিলা কাৰাগাৰত মৃত্যু কয়দীৰ

নলবাৰী জিলা কাৰাগাৰত সংঘটিত অঘটন ৷ শুই থকা অৱস্থাত বিছনাত উদ্ধাৰ এগৰাকী কয়দীৰ মৃতদেহ ৷

নলবাৰী, 27 ফেব্ৰুৱাৰী : নলবাৰী জিলা কাৰাগাৰত অঘটন । শুই থকা অৱস্থাতে বিছনাত মৃত অৱস্থাত উদ্ধাৰ এজন কয়দী । কয়দী জনৰ নাম উত্তম ঘোষ(৫৫) বুলি জানিব পৰা গৈছে । সাত ফেব্ৰুৱাৰীত খোৰাকী গোচৰত কাৰাৰুদ্ধ হৈছিল উত্তম ঘোষ ।

বৰ্তমান সময়লৈকে জানিব পৰা হোৱা নাই কদয়ীগৰাকীৰ মৃত্যুৰ কাৰণ । মৃত উত্তম ঘোষৰ ঘৰ ৰঙিয়াত বুলি জানিব পৰা গৈছে । মৰনোত্তৰ পৰীক্ষাৰ বাবে ইতিমধ্যে নলবাৰী চিভিল হস্পিতাললৈ জিলা কাৰাগাৰ কৰ্তৃপক্ষই প্ৰেৰণ কৰিছে কয়দীজনৰ মৃতদেহ ।